يمَوعود يمتة نوُصل فاطمه
الشوگ يِكبر كل مسية والصبر أَذانه...يَمتة نمشي نزور امك وانتة تمشي ويانه
ومنْ بعيد اعلة المنارة نشوفه رف لوانه...نوُصل ونلگة گبرها اِمفتحه بيبانه
يمَوعود والجفن ينزف دمه
كل صلاة ندعي لظهورك والحزن مالينه...اعله گبر الزهرة يمتة سَيدي تدلينه
الينتظر صَعبة يكابر ما يعوف ونينه...والصبر حقه يسألك يمته يا مهدينه
يموعود اِعليك حماي الحمه
العمر بينه بسرعه عدة وانگضت أيامه...جم گلب راسم لقائك حلم من أحلامه
يمته يم باب الزجية گلبي يحجي آلامه...وجوكة جوكة يم گبرها أنظر اللطامه
يموعود روحي تبقة هايمه
گوم اخذ ثارك يغايب تنتظر انصارك...ضلع امك لسه ينزف يلله سل بتارك
ينحرك داره التعده وگصد يحرگ دارك...يله شيل الراية بيدك هذا موعد ثارك
يموعود خَلها تبدي الملحمه
سيدي هواي انتظرنه وعذبتنه الحسره...عدنة عاشوراء ثاني اسمه ضلع الزهره
راية العباس باجر ترف فوگ الحضره...والبقيع يصير إلنه يا امام الفُقره
يموعود انت مسك الخاتمه
مَشي لگبر الزهرة باجر بالدمع نتعنه...نريد بس نندل گبرها عدنه هاي الجنه
باجر تطب المواكب بالحزن والونه...ويلي عالزهره نردد والقهر يلجمنه
يموعود تسال اَملاك السمه
