لو حي النبي و عايش وراها
ينصب مأتم و ياخذ عزاها
لافته ينعى الرسول...عن فگد بنته البتول
ياخذ عزاها
يتلگه اليعزونه و جبريل الملك يمه
و بيوم العزه الثالث هوه اليقرأ الختمه
ملامح حزنه و دموعه نجمة تهل بأثر نجمة
معذور الفگد غالي اذا بيّن عليّه همه
تحضر انبياء الله ابعزائه...تصبره عاللي غطاها ابردائه
ما عرف گلبه شيگول...عن فقد بنته البتول
ياخذ عزاها
لو حاضر عزه الزهراء تطفي همومه يا دمعة
الله يساعد المجروح و السجينه من ربعه
هاي الـ بيها وصه و گال مني فاطمة البضعه
من كسروا ضلع منها معناها انكسر ضلعه
لو حي الدمع ما خلّه بي عين...راحت فرحته وي أم الحسين
تقرع بحزنه الطبول...عن فقد بنته البتول
ياخذ عزاها
غمض عينه و الذكره تحاصر صفنت اهدابه
قبل ما ينبعث للناس جان المجتمع غابه
ما جان العشم هذا بالما حفظوا اغيابه
بيت البي نزل جبريل قبلوا يندفع بابه
العايل بيهم يدور الوفاله...قران البديهم من حلاله
يمه وگفتهم تطول...عن فقد بنته البتول
ياخذ عزاها
اتخيل رسول الله واگف و الرأس حاسر
و ابصوته الشريف اتبات نبرة كسرة الخاطر
شيصبره اليجي يواسيه اذا نفرض لگاه حاضر
شيگله جرح و يهون لو تنسه الألم باجر
لو عايش يظل عالن حداده...و بيوم المنية ايذب سواده
ابنظرته الهم اليجول...عن فقد بنته البتول
ياخذ عزاها
من يدخل لذاك البيت بي حزن الابو الفاگد
اول مرة راح يشوف بيت أم الحسن بارد
يصد لأيتامها الغافين حيل اعيونهم راگد
يعد اهل الكسه و يلگاه من عدهم نقص واحد
من ينظر علي و دمعة اتناثر...بحيرتهم منو ايصبر على الآخر
حافر همومه اليصول...عن فقد بنته البتول
ياخذ عزاها
لو دافنها بيده شلون هاي اللوعة ينساها
من ايعود روحه وياها لو يدفنها وياها
يقره الفاتحة و ياسين لو يا سورة يقراها
و يكتب عالگبر زهراء لو يكتب گبر طاها
لو عايش اظن جا نزلت اية...تجبر خاطره عاللحظة هايه
علة اسباب النزول...عن فقد بنته البتول
ياخذ عزاها
و القاتل بقه مأمن عگب ما لَطّخ ايمينه
و لا جن قاتل الزهرة مثل عين الصلف عينه
يسن و يروي عن نهج الـ نبوة الما وفه بدينه
لاكن هيه مهلة و راح كلشي ينتهي بحينه
لو حي النبي بذيج المسية...جا گله العلي عوف الوصية
جا صدر حكمه الرسول...عن فقد بنته البتول
ياخذ عزاها
