سيف يامن للنَبي اوعسّاله...احسین ما يخفاك بالطف حاله

يبن عم المصطفه اوياساعده...اویمن بيدك رايته ومهنّده
يستغيث احسين ما بين العده...اونال من چبده الدهر ما ناله

لاچن ابنك لو عليه يحمه الحرب...نشط عزمه وانبجح منّه الگلب
لو چهب عالخيل ينشبها الرهب...تهج والمحتوم من يدناله

ما وجد مثله اوعليه اتجمّعت...رحم العراگین والحربه مشت
مفرد اوبيناتهم شبلك ثبت...جبل شامخ ما يزول اظلاله

ركب راحلته اوشبيهك لو ركب...لاچن اعله الگوم ياحيدر خطب
صاح الكم دين سابج لو طلب...عالنبي المبعوث رحموا اعياله

هاي كتب اشيوخكم ليّه لفت...عجّل اينادون ما والله اننّسِت
گطع منها العذر حتّه الكل سكت...لاچن اهل الغدر تتناخاله

جاوبوه اعلوج مَيَّتها العبيد...گصد من عندك يبن حيدر نريد
تقر بالطاعه لابن عمّك يزيد...اوتحط يمناك اعله چف اشماله

من سمع مگصودها هذا الفعل...زعل حيث البُطُل منّه ينزعل
صاح أي والله الف مرّه انچتل...دون عز المايغيب اهلاله

لابن مرجانه اولا بن هند الجلف...اقر بالطاعه وسلّم واعترف
لا ولاچن ياهله ابصاع الحتف...شهد مرّه اوعذب ورد زلاله

شاف ما ينفع وعظ بيها اويفيد...دون ما يرمي الحديد اعله الحديد
برز للسبعين الف لاچن فريد...عدل ما ويّاه من ارجاله

گام يتمنّاك يا حامي الحمه...تگف ملزومه ابثنيت امخيّمه
ياعلي يكفيك هاي الموزمه...لاچن ايريدك ضمد لعياله

صِدِگ بوجوده النسه ابعز اومنع...دون حد اخيامهن موچب سبع
لاچن احچيلك اوتدري او مطّلع...ساعة الصاب السهم دلاّله

ماوگع لاچن ضعف حيله اونِحَل...اودار رجله ابرهد من غوجه اونزل
وِلَه اوساده امن الرمل بيده عمل...اونام شبلك ياعلي اعله ارماله

ياعلي كسرك كسر ما ينجبر...عظّم المعبود الك كل الاجر
گطع راس احسين من جسمه الشمر...اوفوگ راس اسمر يحيدر شاله

يمن ممدوح اببراءه اوهل اته...رضّت اخيول النواصب جِثّته
طارت اگلوب الحرم من شافته...فوگ راسه اترفرف اوتبراله

والمصيبه الخيل ياعود الحسن...لـمّن اعله الخيم سبّگها الكِدَن
طلعت ابناتك يكرّار ايعدن...لاچن اتولّتهن الخيّاله