وين يادار الميامين اللّي الهم غدت...گالت اومه اعليهم البين اوّيّا گوّضت

وين مد ابهالحمولة الزاچيه والطيّبه...اوعنّچ ابعدهم والبعيد عليهم طيّبه
لچن گلّیلي يهالدار بعدها طيّبه...لا تگلّي الدار كلها ازغار واكبار گضت

اوحين عنّي مدّوا ابليل اوحاديهم حده...يتّموني اوصرت مركز من بعدهم للحده
ظل مجدها ابساحة الدار اولاچن اوحده...مدنف اوگابع بالاحزان اوعبراته جرت

صحت ما يكفيني منّچ هالحچي المجمل يدار...وأبخبرهم سولفيلي اومَتخفه اعليج الاخبار
ونّت اوحنّت مثلما تحن ليه ام الحوار...وگالت اصغيلي سماعك واصطنت لاچن بچت

حين شن اعليهم البين ابغارات الفراگ...اوزمّت ابثگل الحموله وبمحاملها النياگ
صحت يهلي اوجوهكم وين يگلولي العراگ...ليه هاجرنا وهجرناچ اومني اتودّعت

او بعد ما أدري عليها اشصار شنهو وشسدر...اوما صنع بيهم الباري اوما جره اعليها الدهر
بين ما عيني امربيه للدرب وارجه الخبر...لن اره العالم تغيّر والوسيعه اتزلزلت

والشمس كسفت والارياح اسود منها الهبوب...عاصفه اويضرب بعضها بعض بالغربي الجنوب
واسمع الجن تِوِن واتنوح اوعجّت بالنحوب...والسمه بالدم على الگاع كواكبها امطرت

اوبالفلك جبريل يصرخ بالبريّه والاسلام...انسفك دم ابو الأيمّه والامام ابن الامام
اوخذوا للشامات راسه واخوته اوروس العمام...بالطفوف اعله الوطيّه اجسومها صرعه بگت

بعدما أدري يَطَلاّب يمن ترجه الامل...جيت عاني تختبرني عن بني الزهره تسل
أظن واليعلم الباري ما بگه منهم عدل...بيت للدين اوتداعه كل مصابيحه انطفت

من سمعت الدار تنعه انجومها الچانت تشع...غير ابو اليمّه شمسها ابدورها عشره اوسبع
عيني ابيض منها السواد اوشحّت بالدمع...واربع اركان البجسمي اوطود حيلي اتفلّشت

اوصحت چالمعضُوض گلبه ابناب فاعه اوعگربه...ياوسافه يبو اليمّه اوخامس اصحاب العبه
متت والجثمانك الخيل ترض وتجلّبه...وانت من لحمة الهادي لحمك اوعظمك نبت

ما يعرفونك الاسلام يبن داحي الباب...انته ریحانة الهادي اوبالخلد سيد الشباب
لا ولاچنها تعرفك بثنعش الفٍ كتاب...اجدم اخضرّتلك الگاع والاثمار اينعت

حين ما تجدم للعراگ یمامه اوسيّده...عالاطاعه او بين أياديك اجنود امجنّده
مثل ما گالت لگاهه اسيوف موت امجردّه...صفت لاچن اعله چتله اويه الأوثان اتحالفت

شمّريت الحرب الاشراك الرايات الغلب...شَهَد عدهم علگم الموت اوممزوج العذب
تذعن الطاغُوت سفيان الغاوين اتحسب...والحَمِيّه انته اخوها وبثدي اوياك ارضعت

اومتت بين السمر والبيض يبو اليمّه چریم...اوظل يبو اليمّه امصابك للحشر حزنه امجيم
ميّزت لله مُحِبّه ابفيض دمّك والخصيم
اوسعوانك الله يهالمنحور...محمود مازال اومشكور
آثار كبرك يضيغم نور بيرغ ابركن العرش...يبن الحسن(۱) عاشر اوفت اسميّه اوعدها انذور
والفواطم فوگ الاكوار مفاجيد انسبت