حبيب يحرض أصحابه على الجهاد دون الحسين عليه السلام
يحبيب تدري ما ترکنا ذيك لديار...إلاَّ لجل ریحانة الهادي المختار
يحبيب تدري ما اتعنينا أوجينه...إلاَّ لأجل احسین ریحانة نبينه
لمن عرفنا نصرته وجبت علينه...عفنا منازلنا أوجينا لجله انصار
وجبت علينا نصرة المظلوم يحبیب...ما تنظره في كربلا متحير اغريب
انكان يتقدم علينا هاشمي عيب...قدام خلّنا انروح نفديهم بلعمار
ماجينا إلاَّ للمنایا أوتلف لنفوس...حتى نحصل من هل الناموس ناموس
وشعاد لو ظلت جثثنا ابحر لشموس...صرعی عرایا امعفره في حر لوعار
ماجينا إلاَّ للمنايا أوتلف لرواح...أوعفنا منازلنا لجل خامس الأشباح
أوضرب السيوف اهون علينا أوطعن لرماح...من نظل من غير الشفيه نلبس العار
عفنا منازلنا أوطلقنا النساوين...أوتدري يبو امظاهر قصدنا نصرة احسین
لو كان سبط المصطفی ایآمر من الحين...انكان شفت الكون من قبل الصبح ثار
لكن إذا آمر أبو السجاد لازم...احنا الذي بنروح قدام الهواشم
أوبسيوفنا نحمي عن اخدور الفواطم...أوبرواحنا نحمي بقية عن العترة الأطهار
قال البطل عباس أبو النفس الأمينه...يحبيب ما ترضى الشيم تتقدمونه
هاي الحريم احريمنا وحسین اخونه...هاللي عليه امجندين ايمين ويسار
أوباجر إذا صار الحرب ورتفعت اعلام...لازم علمنا يا حبيب ايصير جدام
منشور بيدي وخوتي وأولاد لعمام...يمشون في ظل اللوى أونحمي هالخدور
قال السبط يبن الوصي زراق لرخام...لنصار خلّوها يخويه جُدام
أومنكم أومنهم يالاخو تخلا هالخيام...أوكلنا يخويه ابننفني في ضحوة انهار
أوتالي على اخدور النسا تهجم هالنذال...تحرق خيمنا والنسا تسبي ولطفال
أوكنّي اشوف احريمنا تعثر بلرمال...أوزینب اتنادي في خيمنا شبّوا النار
