شهادته :
الاكبر لاح ظهر الغوج و ارزم...اوعليه احسين دمعه انحدر واسجم
سدَّر للحرب و العطش بي مض...او هز غدارته او عالخيل عرض
صل ارمول بلسانه ایتلمض...من يدنا او منه یگطر السم
تچنه ابوالده او عالخيل ذبها...او يمنه الحرب عاليسره گلبها
چسب نوماسها اوضيع دربها...اولف راياتها او للسرب حطم
عگب ما بالطفوف ابده الفراسه...او راواهم حرب حیدر اوباسه
العبدي غافله اوصابه اعلى راسه...او تغيب نور وجهه بحمر الدم
كثر ويد المسامي او غدت دوجه...علیه او بالخيم صارت اللوجه
دم راسه جره اعلى اعيون غوجه...طفح مذعور و على الخيل درعم
اعلی سرجه انحنه اوگام الغوج يصهل...ایتخيَّله الحریب ایرید یحمل
گصد للگوم و علیه دارت الكل...لمن جسمه ابمواضيها تخذم
وگف بالكون و العسكر عليه غار...مثل دور الجفن عالعين بي دار
غدوا جسمه ابمواضي البيض طشار...ضرایب عالرمل ما بعد يلتم
هوه اعلى الگاع لاچن من وگع صاح...اولعد احسين نگلت صوته الارياح
ثلث مرات گام او عالوجه طاح...اخذ روحه او بي بس النفس تم
نده يحسين ليَّه اسرع تراني...طحت بالكون و العسكر ولاني
يبويه امن العذب جدي سگاني...عليَّه لا يظل گلبک امولم
تعناله او على ابنیه تخوصر...او صاح ابصوت منه الصخر ينطر
على الدنيه العفه بعدک يالاكبر...ينطر عگب عیناک ريت الكون يعدم
يگله یا ضوه اعيوني يمصباح...يحاوي كل سجايه الخمسه الاشباح
يبويه من طحت مني الگلب طاح...او طود الصبر لفراگک تهدم
يبويه من وصل لیک او تدناک...او خضَّب وجهک الشعاع بدماک
يبويه ريت روحي اتروح ویاک...اولا شوفک خضيب الوجه بالدم
يبويه اشلون اشوفنک ابها الحال...اموزع بالمراهف فوگ الارمال
يبويه العذر شنهو عند العيال...ليها من آخذك و انته امخذم
شالوه الهواشم للصواوين ...وهو يمشي او على ابنه شابح العين
طلعت زینب او باجي النساوین...تخمش اخدودها او عالوجه تلطم
هوت فوگه تحب خده او تشمه...او غدت تصبغ شعرها ابفيض دمه
عسه ابعيد البله اتگله يعمه...على التربان نايم يلمشيم
