الوداع الأخير:
شبل احسين سدَّر للمخيم...او چبده امن العطش بورح او فحم
سدر متنومس ابحرب الصنادید...لبوه احسين منه الجایزه ایرید
يصيح ابصوت يحسين الضمه ایچید...تراني امن العطش چبدي تولم
يبويه ذاب من العطش گلبي...او بعد هيهات يسعدني اعلى حربي
يبويه امن العطش ما شوف دربي...او بياض الكون كله ابعيني اظلم
يبويه اليوم من عندک طلبتي...اريدن شربة اميه الچبدتي
يبويه ميت الف و اکثر گبلتي...اردها اشلون و آنه الريج علگم
يگله او دمعته اعلى الخد سچيبه...يبويه الماي گلي امنين اجيبه
علي هَّون امصابک کل مصيبه...او همک بالگلب زاد اعلى كل هم
يبويه روح شوف الطفل باي حال...يلوع امن العطش و تلوج العيال
يبويه اليوم لو گلبي امن الاجبال...او عليه هاي النوايب چا تهدم
يبويه اصبر اورد الحربک اردود...او علیهم شد یالاكبر شدة العود
علیک اليوم جدک لابد ايجود...ابچاس الورد و بشربه اتنعم
يويلي من سمع عذر ابو اليمه...تراکم فوگ هم العطش همه
جذب ونه او غده ایودعه او یشمه...او علیه احسين دمعه انحدر واسجم
