العباس و سكينة :
سکنه اتعنت العمها المشيم...تگله امن العطش چبدي تولم
يبو فاضل يعمي انته بالوجود...او بیدک مرهفک و بمتنك الجود
او عبدالله الطفل برویحته ایجود...او چبده امن العطش بورح او فحم
يعمي ما تشوف اشحال العيال...تلوج امن العطش و تلوع الاطفال
يعمي هاي ما چانت على البال...بوجودك علينه الماي يحرم
نهض لمن سمع مدلولة احسين ...يبو فاضل تگله الوعد چاوین
یگللها يسكنه ماي تردین...لسويلچ بحرها اليوم من دم
يعمي الخيمتچ ردي يگلها...او بشري اطفال اخوي احسين كلها
بعد ساعه و اجيب الماي الها...او تچنه اگبالها او لاح المطهم
لگف جوده او لفه ایودع عضيده...طب الخيمته او طاح اعلى ایده
يگله العلمي يحسين اريده...اجيب الماي يوورد المحتم
يگله اشلون ارخصنك يعباس...و انته هيبتي او تاجي العلى الراس
يخويه انته المصجَّر هذي الناس...وانته رایتي او سور المخيم
يگله امن العطش لاجت اعيالك...و اسمع بالخيم لوعت اطفالک
درخصني يمن روحي فدالک...صبر عندي بعد يحسين ماتم
تحسر ويل گلبي او صفگ بیده...او سالت دمعته او ودع عضيده
طلع مغضب يصيح الماي اريده...او هز غدارته او عالسرب گحم
