القاسم يستأذن عمه للحرب:
جاسم بزغ من برج المخيم...او شع بالكون مثل البدر لو تم
اگبل لعد عمه او دمعته اتهل...بریده ایرخَّصه او عالگوم يحمل
من شاف العزیز احسين مجبل...تحسر و بوجه جاسم تبسم
يگله یا ضوه اعيوني يجسام...يعمي ليش طالع من الاخیام
اخافن تنچتل یامبدر التام...وانته اوديعة المچتول بالسم
يگله او دمعته چالسيل تجري...يعمي ضاگ من الهظم صدري
عگب گومي او هلي ماريد عمري...عساني لا عشت و العمر يسلم
رد للخيم يا زهرة اخيمك...يعمي او ظل تچيه لبن عمک
يعمي ابچتلتک لا تفجع امك...عليها لو غبت فرگاک یزحم
يگله اشلون اسدَّر للصواوین...و اشوفنک وحید او مالک امعين
اريد الحگ عمامي اليوم يحسين...يعمي امن الهظم چبدي تولم
جذب حسره علیه او سال دمعه...او دار ایده على اطواگه يودعه
بچو لمن تهاوو على الوسعه...او چانون الافراگ اشتعل و اضرم
طلع للكون و الصمصام بيده...شباب ابن اثنعش و الحرب عيده
من يطرد فلا يسلم طريده...يفر واعليه طير الموت حوَّم
تلگاها او نحرها اشلون منحر...فل اجموعها او للخيل طشر
طليعة هاشم او ظنوات حيدر...يحسب الموت يوم الكون مغنم
عليه اشما يزود الفزع يشتد...يدَّب شوسها او حط للحرب حد
ما ظل بالحرب حرَّان ينعد...الا او گام من سيفه ایتکتم
عگب ما يدَّب الفرسان فعله...گطع چف المنيه اشراک نعله
و گف يلويه و الأسدی گصدله...طبر راسه او عليه العسكر التم
هذا يشهر السيف او يضربه...او هذا فوگ اصاویبه يصوبه
او هذا ينكث الزانه اعلى گلبه...او هذا للرمي ابجسمه ایتعلم
صاح بصوت ليَّه اسرع يعمي...تراني اتخضبت من فيض دمي
يعمي امن الطبر خذِّموا جسمي...او لا ظل عظم سالم ما تهشم
لفاه الحومة الميدان عمه...لگاه مطروح و امعفر ابدمه
حنه اظلوعه علیه او گعد يمه...يشمه او عن جبينه يمسح الدم
يگله يا سلوتي او بدر ليلي...بنور العين شتهيس احچيلي
يعمي ونتک بیدت حيلي...او طود الصبر لمصابک تهدم
يعمي من شرگ هامتک نصين...يبعد اهلي اصواب اليوجعک وین
يعمي اشلون اشيلك للصواوین...و انته امن الطبر جسمک امخذم
شاله او للمخيم بيه سدَّر...او حط جاسم يويلي ابصف الاكبر
گعد ما بينهم و الدمع فجر...تشب ناره او عليه اتراکم الهم
نوبه ينحني اعلى ابنه او يحبه...او يمد ایده او يجس نگاد گلبه
اونو به دمعه الجاسم يصبه...او یگللهم اشبيدي اعلى المحتم
يم جاسم غدت للحرم حنه...لمَّن شافته ابدمه تحنه
امه اتصيح يا جاسم امهنه...ابها الزفه يبعد الخال و العم
ربیتک او عيني اعليک تربي...او يحسب بیک لیل انهار گلبي
جاسم بیش اوچد بعد دربي...او ضوه اعيوني طفاه الدهر و اظلم
