(کعبة الحسين بين النواويس وکربلا)
تطلع خايف امن البيت يبن الشيَّد اركانه...(اوحجک) بالطفوف ايصير وانته البیت عنوانه
من مثلك يبو السجاد سوَّه الها الخلگ منهج...او حافظ مثلك اعلى البيت وامسه الكون بي يلهج
لَّـمن علم رب البيت سر البي تركت الحج
سوَّه الشخصك ابعاشور...موقف للقيامه اینور...اصبح بيتك المعمور
واللي يگصد ایزوره رجع عا اليحج میزانه
شرَّف تربتك عالبيت چه لنك حفظت البيت...اومنه اطلعت بضعونك اوبيها الكربلا اتعنيت
لبست احرامك اولبیت (بالحر) لمن اتلاگیت
اووصلت الکربلا يحسين...تلبي الصوت داعي الدين...بنيت الحجك اصواوین
مثل ما يطلع الحجي الوادي منه ابصيوانه
دعيت الناس لأمر الله والهم عرفت دینه...لاچن التبع (ليزيد) ما طاعك يبو اسکینه
گمت ترجم ابنغل ازیاد يحسين اوشياطينه
لمن فضت بالميدان...وانته محرم اوعطشان...منه اسعيت للصيوان
مثلك من شکر يحسين رب البيت سعوانه
يوم العاشر الحجي ينحرله (فده) يحسين...وانته اسباطعش ضحيت غير الواحد اوسبعين
كلهم فده الوجه الله اومگصودك حياة الدين
لَّمن خلصت اصحابك...اومنهم فرغت اطنابك...ما تملك امن احبابك
غير الطفل عبدالله وعيالك العطشانه
شفت الدين بعده ایريد من عندك دوه العلته...رحت اوخذت (عبدالله) اولجموع الكفر جبته
وگفت ابَّين عدوانك اوبيدك للذبح شلته
صحت بوسط الميدان...يا شيعة بني سفيان...شوفوا هالطفل عطشان
مايحمل عطش یا گوم والحر يبس السانه
طلعله حرمله امن الگوم لاچن السهم بیده...على اضراعك لگاه ایلوج وملولح عليه جيده
رماه ابسهم المگدر اوطاح السهم بوریده
وعيونك يبو اليمه...تشوفه امخضب ابدمه...ابطفلك سدرت لمه
طلعت واخذته منك اودمه ایسیل جروانه
رفعت اچفوفك اوناديت لاچن ابدمع جاري...اقبل هالطفل مني فده الها الدين يا باري
ما تم من أهل بيتي عدل وياي وانصاري
تراني بالعهد وفيت...اولجلك بالشمل ضحيت...بعد وعدك يرب البيت
اريدن (شيعتي) منك ابيوم الحشر ویانه
شفت ماتم بعد عندك غير (اخدور نسوانك)...لچن تنهتك بوجودك ما هان اعلى وجدانك
گلت چلمه يبو اليمه من گلبك اوبلسانك
يسيوف العده اخذيني...اوفده الها الدين خليني...حته من عگب عيني
يعز اويحتيي اوجوده اويعله اعلى الملل شانه
من سمعت هذیچ الگوم الهم رخصت يحسين...منك أمنت لاچن عليك اتناخت الصوبين
دارت بيك عدوانك مثل دور الجفن عالعين
لاچنها عليك اتطوف...برماح اونبل وسيوف...اوزینب على التل اتشوف
صاحت يالعلي والله بخوي اچنفت عدوانه
تعنت ليك للحومه اولنك تشخب اجروحك...تون امن العطش وتلوج وانته اتعالج ابروحك
گامت عالوجه تلطم اوگعدت يمك اتنوحك
نادت اومدمعها ايهلي...يحسين يا تالي هلي
ساعه اوخواتك تنولي...تمت غریبه ابلا ولي
يا تالي هلي يحسين ما تگعد تحاچيني...اصواب الضاهدك ياهو عليه يحسين دليني
على التربان اشوفنك ابعيني من عمت عيني
اگعد اوعاين للحرم هجت يخويه امن الخيم...والعسكر اعليهن هجم تدري العده مبهم رحم
شوف امخيمك يحسين گامت تشب نيرانه
