هلّ المحرم والحزن يبراله
يا صاحب الثار...بحوالك اشصار
من شافت اعيونك الليله اهلاله

سيدي يبن الوديعه اشحال قلبك هلمسيه
من گمت تذکر مصایب هظم یوم الغاضريه
ما اعز منك على الله با السمه ولا بالوطيه
انشر اچفوفك للدعه...وخل يهل جفنك مدمعه
ونادي برب الواسعه
ابجاه ظلع امي الزچيه...عجل ابوعدي المنك انترباله
ليلي ولنهار...وقلبي يشب نار...ودموع عيني امن الهظم هماله

یا الاهي اسرع ابوعدي ما بعد للگوس مدفع
ملت امن الصبر روحي وناظري امن الهظم يدمع
هذا ديني وثار جدي بيه تهتف وانه اسمع
چم دوب اظل ابها الصبر...والگلب يتواگد جمر
عجل يلاهي باالأمر
حتى اسل السيف واطلع...دین الحيا جدي الرسول وآله
وشيده الكرار...لمن عليه صار...رايد يهدمه الأعور اوجهاله

اشلون اخلي الدين وحده ابولیت احزاب الجهاله
والعجل يامر وينها ويحكم اويفتي ابخياله
يدعى لفض الشهاده الثالثه بدعه وضلاله
اوبيها الأمر منك نزل...والدين للأمه کمل
حلل حرام اهل الجهل
والشرع حرم حلاله...يرضي النواصب مگصده بفعاله
ولا همته النار...وفضيحه العار...يفتخر گام اعلى الخلگ بعماله

یا الاهي وثار جدي يستغيث وينخه بيه
يا ذنب لحسین حتی اعليه تجور اشرار امیه
عاف من عدها المدينه وگصد لرض الغاضريه
بسما وگف بيها المهر...ونزل اضعونه بن الطهر
گامت روایاها تجر
وشحنت افجوج الوطيه...گامت الحربه الكفر تتناخاله
من اربع اکتار...بيه الفزع دار...گطعوا الماي اهل الرده اعلى اطفاله

رادته ايطاوع لمرها وعيت ايبايع حميته
سامت اعليه المذله وشتره العز ابمنیته
حشم انصاره الضياغم للحرايب وهل بيته
هاجت وبذلتله الجهد والوالد ایحشم الولد
لمن نزل ليها الوعد
غدت تتهاوه ابثنيته...خلصت چتل بالغاضریه اگباله
اهله ولنصار...جادت بلعمار...على الگاع نومه وغدت تبچي الحاله

ظل وحید ایدیر عينه وغده اعليه الجيش داره
گام يحمل على الكتايب مثل ابوه اليحمي جاره
حته صاب السهم چبده اووگف بحدود المعاره
دارت عليه من کل کتر...وتولته طعن او طبر
لمن وگع من المهر
ودم اصاویبه ایتجاره...أمنت منه وغدت تتدناله
عليه الفزع غار...وليت الكفار...گامت تدوسه ابخيلها الخياله

فر للمخيم احصانه وگام بين الخيم يصهل
يظن يلگه امن الهواشم واحد وعلى الخيل يحمل
طلعت امن الطنب زینب والحرم تصرخ وتعول
صاحت وناضرها دمع...چاوین خيالك وگع
هالعسكر اعليمن فزع
ليش دمعت عينك اتهل...گلي عليمن فزعت الرجاله
وبیا کتر صار...مهجة المختار...ولیا کتر عگبه تروح اعياله