ندبة للحجة (عجل الله فرجه)
هذا المحرم يغايب ليك ناعيه قصد...ما تقوم اتلوح غوجك بعد یالهادی اشبعد
غيبتك بالدهر صارت ينضرب بيها المثل
او حارت الناس ابوصفها او كل عقل منها انذهل
الوحه والعجل والغوث يغايب والعجل
طالت الغيبه علينه...والخصيم اشتمت بينه
والغوث عجل ياولينه
ما يظل للقوس مدفع لو ردت تصبر بعد
والله لو بالكون غيرك للشدايد يندب...چا ندبناه او غدينه اعليه بالمهدي انعتب
لچن ما بالكون غيرك ونته شخصك منحجب
اشلون یا لمهدي البصيره...صرنه عگبك بشد حيره
بالرخه الوادم چثيره
اولمن اتصير الشداید یا مقل ذاك العدد
لا تظن بالأرض يبن العسچری شرگ او غرب...بالشدايد تصح صفوه اليضمد اعليها الگلب
مثل الأنصار الحظ ابها احسين بديار الغرب
من وصل للغاضريه...اوخیم ابذیچ الثنیه
اودارت اعلیه آل اميه
اورادته ایبایع یزید او خانت اوياه العهد
لم هذاك الوكت گومه او گام يخطب بالخيم...او صاح جري الأمر بيه انعكس يصحاب الشيم
اليريد ايروح منكم خله يسرع بالجدم
قبل ما یعتلگ شرها...اوبيضها اتنادم سمرها
او بالمحجه اگطع عذرها
او يكفر العان اعلچتلي والذي الحربي شهد
ونتو يليوث الحميه او یا صناديد الحرب...ما عليكم حرج مني اوبيعتي ماهي غصب
البريد ايروح منكم راشد او ذاك الدرب
وانه خلوني اتم وحدي...ونچتل ما دون حدي
وفدي روحي الدين جدي
اومن يعز الدين عندي الموت احله امن الشهد
* * *
حين سمعوه الهواشم گام ابوفاضل الحيد...صاح چیف انروح ونته تبگه يعضيدي وحيد
تدري يحسين الهواشم عدها يوم الحرب عيد
لا وحگ جودك او مجدك...ما نروح او تظل وحدك
حته نخلص دون حدك
من عگب عينك يخونه العيش لا صبح رغد
ولنصار انوب گامت جادم اعلیهم حبيب...ايصيح چیف انروح ونته ابکربله تبگه غریب
وحنه اجينه اليوم دونك ننچتل شاب اومشيب
انته سيدنه اوفخرنه...وانته بالمحشر ضخرنه
يبو السجاد اشعذرنه
لو گلت للهادي جدك وحدي خلوني يجد
