نزول الحسين في كربلا
من عاف المدينه حسين والكربله اتعناها...فزعت جيمة الكوفه اوجرت کل رواياها
من شاف الحزم تتره اعلى حربه وشحنت الوادي...ركب غوجه وتعناها اوگام ابينها اینادي
انه الطاهره امي وجدي المصطفي الهادي
یا گوم اشتطلبوني * انتو اللي دعيتوني * والكم جيت بضعوني
وطلع کل رسايلهم وگام حسين يقراها
ناداه الجمع كله ماتدري اشتگول الحين...لاچن بایع بن زیاد وسلم بالاهل يحسين
عاين للروایه وشوف بيكم دارة الصوبين
مسلم گبل ما تندم * حتى من الچتل تسلم عليك اعراگنه ملتم
هذي جيمة الكوفه وجيش الشام يتلاها
گاللهم يگوم انچان لنكم ما تريدوني...اقوض عنكم اخيامي ورد للوطن خلوني
يو اقطع افجوج البيد ويه الوحش بضعوني
هيهات أذل لبن ازیاد * وعمر الضيم ما ینراد * گالوله يبو السجاد
تسدر للمدینه امنین وضعونك وليناها
سدر ما یوس من عدهم لاچن سدر يتحسر...طب لخيمته مکظم ونار الهظم بي تسعر
شافت زینب بن امها گلبها انخمش وتطير
عرفت غدر عدوانه * وراحت لعد صيوانه * منها الروح ولهانه
طبت قعدت اقباله وتجري ادموع عيناها
گالتله يبو السجاد اشوفك رحت يم القوم...وطالت وگفتك يمهم ومنهم سدرت مهظوم
سولفلي اشحچوا وياك وشجاوبت یا مظلوم
منك هاالحرم شتريد * اسمع هضل لها اووید * يبن امي وطنه ابعيد
وصبحنه غرب یحسين والگوم ابثواياها
گاللها اگصدت ليهم ومنهم خابت اضنوني...ابایع لبن مرجانه وطبع ایزید یردوني
ولو عييت یازینب نيتهم یکتلوني
وعزمي يبت حیدر صار * اسجر بلحروب النار ما ينحمل يختي العار
منه الموت اهونلي وحي الله ابمنایاها
گالتله يبو اليمه يخويه اشلون چا بینه...من تنچتل با الميدان عگبك من يحامينه
گوم وحمل اضعونك وسدر للوطن بینه
ما نگدر الذل اليسر والگوم عدوان الكفر * يسبونه من كتر الكتر
يخويه الحرم ما تنهاب لمن تفگد الولیان
يطمع بيهن الطماع من توليهن العدوان...سوي الهل الحرم چاره گبل ما تطب للميدان
لا يبگن اخلافك غرب...تنحب ومكسورة گلب
ودموعها اعلى الخد تصب
