في زيارة الحسين عليه السلام قبر جده صلى الله وآله وسلم
لمن راد ابو السجاد يضعن من وطن جده...راح الگبره ایودعه ويشچي من امته عنده
تعناله ابظلام الليل يشچي الهظم ويودعه...لاچن من كثر همه ابعينه ضایگه الوسعه
شاف الگبر بعيونه وسال امن الجفن دمعه
يویلی وخنگته العبره...وذب روحه علی گبره
يگله اگعد يبو الزهره
شوف امتك عليه اشلون كلها اصبحت مشتده
اضعن من وطن طيبه يبو ابراهيم يردوني...ولا ادري الوجه لا وين لوجديت بضعوني
يجدي ضاگت الدنيه ابكثر الهم على عيوني
سویلي یجد چاره...من هالدهر وشراره
خلني ابگبرك اتواره
روحي ملت الدنيه ولا تهوالها الرده
يجد آنه العزيز احسين ولمهجتك ریحانه...امتك مارعت حگي وكلها اصبحت خوانه
يردوني اطیع ایزید واخضع لبن مرجانه
ومري يصير تاليه * ابولیت هند وسميه * يجدي يصعب عليه
عزي لو فگدته اليوم شلی بالعمر بعده
من كثر الهظم والهم نامت على القبر عينه...لنه بالمنام يشوف جده ويسمع ونينه
عمري بعد ماريده ولا ریدن حياة الذل
وقلبي من الهظم والظيم والظيم ذاب وبعد ما يحمل
اخذني للگبر وياك وبساحتك خل انزل
ضاق امن الهظم صدري ولا ریدن بعد عمري * ياهو اللي صبر صبري
وهمي جاوز احدوده یبو ابراهيم وتعده
من كثر الهظم والهم نامت على الگبر عينه...لنه بالمنام يشوف جده ويسمع ونينه
يگله مردت گلبي ابواچيك يبو اسکینه
اصبر على الهظم يحسين * وتحمل ينور العين * يبني واعدت هالدین
اخذ اهلك يبعد اهلي ووفي بكربلا وعده
دين الي تعبنه عليه وعودك شيد اركانه...ظل مفرد يدير العين ما یا جد العوانه
ابني لاتخلي الدين وحده ابين عدوانه
روح الکربله وعينه * وخذ اهلك يبو اسکینه * وقر بمرهفك عينه
يبني چه يهون عليك دينك من يظل وحده
يبني چني ما شوفك موچب بالحرب وحدك...شيبك يقطر امن الدم وتحامي حرم جدك
بلمثلث يصيبونك يويلي ويوگع ابچبدك
وتلوج بظهر مهرك * وتخلي على السرج صدرك * وتطلع السهم من ظهرك
وتروح الخيمة عيالك وختك بيدها تشده
يجدي ريتني حاضر ابوادي کربله یمك...وشدن جرح البچبدك وخضب شيبي ابدمك
علي امصيبتك يحسين مثل امصاب ضلع امك
شبيدي عليك يا جدي * ابحچيك مردت چبدي * ادري من امتي اشيسدي
ولابد ما اخاصمها يجدي ابساعة الوحده
