ليش امن المدينه حسین شال ابليل بضعونه...وهاشم گامو ينوحون لفراگه ويودعونه

شال ابليل من يثرب تظن خايف طلع منها...لا والمصطفى جده وضلع امه ومحسنها
هاشم ما تعرف الخوف يو يخطر على ظنها
لاچن للظلام اختار * وياحرم للكرام * خايف لو ضعن بنهار
ليه الناس يتعنون ولضعنه يشوفونه

من يثرب طلع طلعه بيها الدهر يتمجد...ابدن ما طلع سلطان مثله اعلى السفر معتد
دیباج الخیم کلها والعمدان من عسجد
والسبگ عليها ارخوت * ابدر امرصعه وياقوت * شبل البضنك منعوت
بالعز كل ملك بالكون دون امخيمه ودونه

جابو للمسير انیاگ للسياگ مجنبيها...هوادج فوگها من العاج بالهيبه امبرگعیها
من يقدر يوصفها وراعي العلم حاديها
حين اللي نوت تبعد * وبذاك الظلام اتمد * گام ابصوته ایغرد
و گامت تجد بالبيده وكل الحرم مامونه

ناشر رايته بيده اوجدام الضعن يحدي...ونوگ الضعن بالبيده اعلى صوت بن الفحل تعدي
وبواليمه غده اینادي بدين المصطفی جدي
عفنه ادیارنه او جيناك * نخلصك من عذاب اعداك * يدين المصطفى العيناك
یو اتلف وجود اعداك يو راسي یگطعونه

مابين الهجن تسري لن الحر والف خیال...مالو على الضعن وحسين ليهم بالغوالب مال
شاف العطش ضر بيهم وسگاهم وهو بذاك الحال
لمن برد اضماهم * ومن الماي رواهم * ركب غوجه وتعناهم
گام حسين ينشدهم وهم گامو يجيبونه

نده بالحر وجاه الحر لاچن وگف متأدب...خايف يغلط ابچلمه وعليه ابن الفحل يغضب
يگله اشعندك امحورب ابهاي الوادم اومحرب
علينه جاي يوانه * سكت لاچن جذب ونه * صدله وصاح يمچنه
عليك الناس ملتمه والچتلك یریدونه

يقله انتم كتبتولي ولیکم جیت بضعوني...ارد انچانکم هلحين يا حر ما تریدوني
اجيم ويه الوحش بالبر ولا چنكم تعرفوني
بعد تسدر يگله امنين * وبیکم دارت الصوبين * للكوفه امش يحسين
شوف الوادم اعلى الخيل والشخصك يدورنه

يگله ثكلتك أمك يحر انچان اروح اوياك...يسير اترید تاخذني لبن زیاد و بگه اهناك
صاح ارشد يحادي وسير جدام الضعن بهواك
وتجدم الحادي اوحده...وعباس سل امهنده
الهلحد ينادي يا لعده خلو الضعن يهل الرده

تناخت کل غوالبها وسلت كل مواضيها...وصاحت لا تحث النوگ بالمسره يحاديها
هاي اضعون ابو السجاد من یگدر يصل ليها
وحنه الذي انحامي الضعن...ونعيّد ابيوم الطعن
شاهدنه بحروب المضن...نفدي الرگاب بلا ثمن

يزينب أمني صاحوا اوخل تأمن فواطمها
اسباع الحرب جدامچ والموت ابصوارمها
تهلهل بالضعن گامت من سمعت هواشمها
امن گلبها امن الخطر...ولا بالت ابغدر الدهر
ويلاه من يوم العشر* من طلعت اتريد النهر * شافت قمر هاشم وذر
صاحت غدو یاعباس عدوانك يسلبونه