في نزول الحسين عليه السلام كربلاء
ودعت غالب وطن هادیها...بأمر باريها
شالت ابليل وگطع حاديها...بأمر باريها
ليش غالب من وطنها ابليل شالت بالضعينه
وخذت وياها حرمها وعافت ادیار المدينه
بالضعن عباس یحدي ورايته اترف ابیمینه
لاوین شایل هلضعن...بي حافه اليوث الطعن
ظل ينحب عليها الوطن...وشابح اعلى الضعن عينه
ليش الغوالب سارت ابهل الليل...على اظهور الخيل
گالو هتف دين النبي بيها...ابأمر باريها
اشلون يرضون الغوالب دین جدهم يظل وحده
يستغيث امن الاعادي ولا يصح عوان عنده
عهد منطي حسين لجله وليه رايح يوفي عهده
ماخذ عمامه وخوته...تفدي الرگاب النصرته
ایداويه من دم رگبته...حتی یحي الدين بعده
احشم عمامه احسين ونصاره...وگامت الثاره
وگصدت لعند اجيوش اعاديها...بأمر باريها
گام يحلف بالولايه حسين من مدت اضعونه
يو علم يرفع الدينه يو يضحي ابروحه دونه
گامت اهل الشيم تحدي وشابحه اعليهم اعيونه
لمن وصل طف کربله...ونزل اضعون اعويله
گامو بني عمر العله...على الموت ايبايعونه
هاجت وبسم الدين نخواها...حين ناداها
وسلت بني هاشم مواضيها...أبأمر باريها
حين صدت للروایه زینب وشافت الخيمه
بالوجل هیس گلبها وگبعت ابثوب الهضيمه
قصدت الخيمة وليها شافته ابذروة الخيمه
قالتله والمدمع يصب...بالنايبه حس الگلب
وحنه يبو اليمه غرب...والخصم طاح ابخصیمه
هاي الروايه اللي لفت لينه...ودارت علينه
ما ذكرتها وماتحاچيها...ابأمر باريها
غرب يبن امی صبحنه ودارت العدوان بينه
خاف نتيسر عگبكم واليسر يصعب علينه
حمل اضعونك يخويه وبينه سدر للمدينه
خافن عگبكم ننولي...وافگد عمامي وكل هلي
ولا يظل من عدكم ولي...يرد عنه اليعتنينه
هاي الودايع وین منواها...اخلاف ولياها
عدمن عگب عینك نخليها...ابأمر باريها
هم يظل منكم شريده الهل الحرم يجمع شملها
يو تخلوها غريبه وحايره الام ابطفلها
من سمع زینب وليها لايبت حیدر یگلها
ما يظل عد مطفل طفل...وتحير بيه وتنشغل
كلها يزينب تنچتل...والخيم تخله امنهلها
لابد يزينب تخلص اطفالي...وتنسبي اعيالي
وهاي الضحايه اللي تشوفيها...ابأمر باريها
ما الهاي الحرم غیرچ يبت حماي الحميه
انتي باريهن يزينب لو مشن عگبي سبيه
کلچن تروحن سبايه وحنه نبگه اعلى الوطيه
نومه نظل فوگ الثره...بالدم جثثنه امعفره
ابيض المواضی اموذره
بعد شحچیلچ يزينب من مصایبنه وهضمنه
شفتي ميت يظل عاري ولا يصح واحد يدفنه
نادته زینب يخويه ريت كل الكون يفنه
تبگه ثلاثه ابلا دفن وبگه عگب عينك تظن
ويطبگ العيني جفن
ريتني يحسين عميه ولا اشوفك على الوطيه
اموزع ابيض المواضي ونته على الغبره رمیه
وبگه من بعدك ذليله ومشي على الهزل سبيه
نمشي على الهزل يسر وطوف بینه اهل الغدر
يحسين من كتر الكتر
