اهلال الحزن يفجعنه بمصابين...بس تشوفه العين
ذلت يسر زینب و چتل حسین...بس تشوفه العين

والله ياشهر النوايب حين ما تجبل علينه
وبا السمه ایبین اهلالك والموالي اتشوفه عينه
کل گلب ينعاك منه ویکثر ابحزنك وتینه
یا شهر تدري من تطب...اهلالك يروع چم گلب
وچم عين جاريها يصب...على الذي گطعو وتینه
ينصدع گلب المصطفى المختار...والوصي الكرار
وگلب الوديعه ينجسم نصين...بس تشوفه العين

تدري يهلال النوايب چم گلب منه کسرته
حين نتذكر مصایب سلوة الهادي ومحنته
چم طفل لحسين تشبه لعد بدر التام غرته
بسهام عدوانه انفطم...والماي من عنده انحرم
وحسين رد بي للخيم...دمه يسفح من رگبته
وتصير يمه امن الحرم حنه...من يشوفنه
وامه تهل الدمع على الخدين...بس تشوفه العين

والله يهلال المحرم ما یمر ذچرك عليه
اله وتذكر ابشهرك هظم يوم الغاضريه
چم گلب للنبي الهادي وروح للبضعه الزچيه
امست غریبه اعلى الثره...وبفيض دمها امعفره
وچم طفل طوگ منحره...حرمله ابسهم المنيه
وامه تون وتصيح يوليدي...رحت من ايدي
گلي يطلبك حرمله ابیادین...بس تشوفه العين

بيك يا شهر المحرم لو هجست الماي برده
اذكر المذبوح ضامي والمثلث مرد چبده
وگال اذكروني يشيعه لو شربتوا العذب ورده
ذكروا يشيعه امصيبتي...وسهم الرماني ابچيدتي
وبچوا على حالي ومحنتي...وعلى طفلي الراح برده
شلته على صدري وبي رحت لعداي...وطلبتله الماي
ضامي ورموه العده ابسهم البين...بس تشوفه العين

شيعتي اوصیکم اخلافي لو شرب واحد امیه
خله يذكر عطش چبدي ولا تضيعون الوصيه
اطلبت من الماي گطره وما سگوني اجلاف امیه
حتى انفطر منى الچبد...ولا ضگت گطره امن الورد
للماي اعاين من بعد...وانه مرمي اعلى الوطيه
عيوا يشيعه العده ایرحموني...ومنه يسگوني
گطعوا طريجه اولیه اجيبه امنین...بس تشوفه العين

شیعتی ذکروا چبدتي لو سمعتوا ابچبد ضامي
ذابت امن العطش والحر والعده رضت اعضامي
وذكروا عبدالله رضيعي وچتل اهل بيتي وعمامي
وذكروا يشيعه اعويلي...التمت اخلافي ابلا ولي
تبچي وتنادي ياهلي...ولالها واحد يحامي
وزينب على التل قامت اتنادي...وانه باالوادي
لاچن ابشخصي دایره الصوبين...بس تشوفه العين

حرم لو شفتوا یشیعه فاجده عزها اوليها
ذكروا اعاییلي الخذوها اعلى الهزل ومچتفيها
عگب فرسان الغوالب زجر يتحكم عليها
متحیره ابذل اليسر...واللي يباريها زجر
مجلوبه من كتر الكتر...وهيه تتستر بديها
وراسي اعلى راس السمهري تشوفه
رمحه ایتمايل بي يسار ایمین...بس تشوفه العين

اعلیل لو شفتوا يشيعه یکسر الخاطر ونينه
ذکروا سجادي وعليلي العلي الناگه امگیدینه
يشوف عماته وخواته وتسچب العبرات عينه
كل ساعه يتمنه الچتل...ولا بين هلوادم يذل
ويشوف بمتونه الحبل...فوگ هضمه امچتفينه
کليوم لنه طاب الديوان...ابوليت العدوان
ويا يتامه ولمت انساوين...بس تشوفه العين