من صبح اعلى السير عازم...لهل الغدر واهل النمايم
آمر على اشبول الهواشم...تشد الحامل عالنعايم
اوصد العضيده ابگلب هایم...ناداه يا بحر المچارم
خل تطلع اوياك الفواطم...لفه الزينب العباس باسم
گاللها گومي الظعن والم...وعالسير اخوي اليوم جازم
نادته اودمع العين ساجم...وياك اگومن و انته غانم
لاچن يخويه ابحالي عالم...محمل مذلَّه اولا هضایم
وشوف الگدر بالضعن حايم...ما تدري بالكوفه اشنو الم
لمن سمع جرَّد الصارم...تخافين گلها وآنه سالم
صاحت یوالي الحرم دایم...طلعت اوویاها الكرايم
ركبت اوحفتها الضياغم...عون اوعلي اوجعفر اوجاسم
وحسينها اعلى الخيل جادم...واخوته اليحلون اللوازم
جدامها أمنشره العمايم...اوعباس للهودج املازم
خايف تصد لخته الوادم...چاوين عنهن چان نايم
من صبَّحن بالطف غنایم...ما بين من ضارب اوشاتم