(عندما اراد الحسین مغادرة المدينة)
من نوه احسين المسير الكربله...ياخذ اصحابه اوهله
صاح يا فارس بني عمر العله...اويا ربيع الممحله
كوموا ظعن الحرم شدوا امحامله...اوجدمولي الراحله
أرد اسافر واگطع افجوج الفله...والسفر بیکم حله
صاح للعبّاس راعي المرجله...یا عضيدي او صد اله
گله محمل زینب أختك ياهو له...گله آنه اتچفله
گله جا روح ابيمينك عدله...بي عساها امهَّله
او خلها تطلع حته تلفي العايله...والمسير انعجله
من لفاها او شافته صاحت هله...یا چفیل اعويله
گلها گومی ابشيمتي يمدلـله...وامرچ آنه اتمثّله
طلعت أو رايته اعليها امضلّله...اوهمها بوجوده انجله
بیده ركبها ولاهي اموجله...چي علیه امعوِّله
اشلون طلعه اطلعت ما بين المله...بالفرح متهلله
ويوم بي ردت تنوح اومعوله...والمدامع هامله
عافت اخوتها واهلها امچتله...اوعالوطيه امجدله
