من عزم دينه الوليمه مثل ابو اليمّه ابمضر...اوضيّفه ابسبعين وثنين اوبالسبعه اوعشر

من فده دینه ابحياته وبعمامه واخوته...واهل بيته وبحريمه والاطفال وخلّته
هذا بن آية الكبره اوللنبي ريحانته...والشرف والمجد كلّه والمچارم والفخر

غزه اعله المسكون واهله وصل لحدوده اوجزه...وابد ما بالكون مثله ماجد اومفرد غزه
عزم بخسه الموت الأحمر بالطراد ایبارزه...اوعبد بين ايديه مملوك غده الموت الحمر

من هجر دار المدينة هاجر الوادي العراق...اجنب السبّق رسنها بالمحامل والنياق
شبحت اعليه كل العيون اومدّتله العناق...اوگالوا الوادم سفر خیر ولاچنّه خطر

حين عالبل الهوادج صارن اوبيها الحريم...اوغده الكل محمل يباريه شهم حر اوزعيم
محمل ام الحزن زينب بيد عباس الكريم...ناشر الرايه ابيمينه وبظهر سابج اغر

اورمله محملهايباريه الحر شبل الحسن...اوليله ايباريها الاكبر لازم ابچفّه الرسن
او حافّه هاشم والاصحاب على ذاك الظعن...مثل ما باللّيل الازهار تحف اعله البدر

مامشت عايله المهيوب ابوديان الفله...مثل مالحسين مدّت بالفيافي عايله
ظيم ما شافن سوه العز حتّه حلّن كربله...فارهه بوجوه عدنان اوممنه امن الخطر

هاي طلعتها وصفها تنضرب بيها الامثال...بین ابو اليمّه اوعمامه الفاطميّات ابدلال
لاچن ابياحال ردّن هالحموله اوهالعيال...سل بِشِر عنهم يخبرك بالمصيبه اوبالخبر

بِشِر من ناده أهل يثرب زلزل ابصوته الجبال...شيلوا عن طيبه يهلها احسين ثاوي اعله الرمال
عاري جسمه اعله الوطيّه اوخذوا راسه اعله عسّال...آه وعياله سبوهه اعله الهزل سبي الخزر

حين جدران المدينه للفواطم لوّحن...گبّر الصايح اوعجّن بالنحب وتصارخن
نادت ام كلثوم طِيبه يامن الجدنه وطن...لاچن ابون اودمعها دم بچت شبه المطر

لا تقبلينه يطيبه لیچ والدارچ نطب...هلچ چنّه گبل واليوم لفينالچ غرب
وادركت بينه يطيبه امرادها صخر اوحرب...يامدينتنه اوتولّوچ بني حرب اوصخر

حين سمعت بِشِر يصرخ بالمدينه ام البنين...نادته امبشّر يراشد يو امعزّي ابمیّتین
گال لاچن سال دمعه اوصفگ يسره باليمين...جيت من الكوفه ناعي للنبي سيد البشر

نادته چبدي يلاجي خير فالك مرّده...الله گلي اعليك شجره اشصار بالكوفه اوسده
گال ثكل الدين بالطف نهبته اسيوف العده...وابو اليمّه اوكل الاصحاب غدر بيها الدهر