صبح وادي الغاضريّه يزهو بشبول الحمه...مثل ما تزهو بالازهار ليالي المظلمه

أرض غير الوحش والحوم فلا بيهه سكن...وعر ما ركبان بيها مرّت اوطرها ظعن
اوما يمر بثراها ماجد الاّ او گلبه حزن...اودون عارض فوگ وجناه يهل دمعه اوهمه

نوح بالطوفان فلكه دار بالدنيه اويطوف...مِمِّن امن الوجل وعليه فلا يخطر الخوف
من وصل للغاضريّه وانتهه الوادي الطفوف...خطر لـمّن شاف الأمواج عليه متلاطمه

ميّه او أربعه اوعشرين الف من الرسل...زارت أرض الغاضريّه اودم مدامعها اتهمل
غده الكل منها ايتمنّه لن أبو اليمّه عدل...اويفدي ما دونه حياته گبل يوم امحتمه

حين مر بالغاضريّه محيي الأموات المسيح...گام ينعه ابن الزچيه اودمعه لمصابه يسيح
اوشگ لبو اليمّه المظلوم ابوادي الطف ضريح...اوگال هذا الوادي عالبيت الباري كرمّه

اولمن غرّب بالكتايب حيدر اوجد بالفله...من العراق اعله صفّين اوللشام اوهله
بین ما بالبيد يسري اوسانف الطف كربله...اونزل من راحلته وآمر ينصبون امخيّمه

ناده بن عبّاس حیدر لاچن ادموعه اتهلي...خابر ابهالوادي وارضه گالّه لا ياعلي
گالّه ابهاي المشومه احسين دلاّلي اوهلي...تجري اعليه الكتايب والنذال المجرمه

لون تدري يبن عبّاس ابهالوادي اشيصير...فاض دمعك مثل دمعي الفوگ وجناتي غزير
اوچم شباب امن اهل بيتي اوچم شبل ماله نظير...اهلال عيد اتگول چنّه اعليه بالعيون انومه

لوتشوفه يبن عبّاس اودم راسه يسيل...جلو ضبحي على المرار بُطل حيلي جديل
اوچم يبن عبّاس راضوع بده ابخدّه اسهيل...دون درّ امّه النشاب يدور ابـمبسمه

يبن عبّاس اومهجتي اومضغتي اوچبدي الحسين...بين سبعين الف كافر مفرد اوماله معین
يلتفت لأصحابه كلها واهل بيته الكل طعين...چالضرایب عالوطيّه بالمواضي امخذّمه

يبن عبّاس اوبناتي اگلوبهن متطيّره...والعليهن صار واجره ما سده مثله اوجره
والأطفال اتكر جنبها چالخشوف امذعّره...تلعه امن الولم لاچن مادرت بالمولمه

يبن عبّاس اومطافيل ثداياهه ایبسن...تدر دم بحلوگ الاطفال عوض در اللّبن
يبن عبّاس اويتامه امن الضمه يتصارخن...سجّر النار ابحشاها الحر والشر والضمه

يبن عبّاس اذخر النه اوياك من هذا التراب...واحرس اعليه من عگبنه وانتظر يوم المصاب
لوشفتها اتفور بالدم اعتقد گلبي انصاب...احسين برض الغاضريّه اعليه بچت عين السّمه