[ موشح للهواشم ]
جد يراچب فوگ جید انعامها...وصل حي هاشم اونادي اكرامها
دونك ارسالة عتب ماضي اولوم...جمر عار اونكد ناظمها امهظوم
يومكم فات او بعد ترجون يوم...حرب ضيّعت بومكم بايامها
لا تفرعون اعله صارخ ياكرام...واضبوا الذلّه اوتهنّوا بالمنام
على الاسلام التحيه والسلام...والبگه ابروس الكفر واصنامها
والاّ لوعدكم يغالبها همم...ما رهيف الموت بحشاكم رسم
الحميّه وين زفت والشيم...عنكم ياچف سواكم زامها
عهدي بارماح الحميّه والسيوف...غير چفكم بالحرب مالهن اچفوف
چم وچم امعصب امن ایساره الطفوف...ليكم ابجنحان ريش احمامها
تستفز بيكم ولا عدكم تجد...نایره اوهمه ابظمايركم تجد
عين صارخكم لعد زینب يرد...امن الحميّه الظامهه ما ظامها
حيل رجواها امن اهاليها انگطع...اوغصب للياس اركنت لا عن طمع
صوّلت للنجف نظرها اودمع...اوندبت للكرار سيف اسلامها
ياعلي المثلك فلا يحتاج صوت...يفز منّه اويوم سيفك ما يفوت
ياعلي الموت الحمر سيفك الموت...اورمحك ارماح الكفر حتّامها
ياحمه الجار اويبونه يكرار...ما علينه ابكربله تدري اشصار
ما على ابناتك دعت بيه ستار...اووّجّت النار ابجميع اخيامها
ياعلي الثايه يخطّاف النفوس...جدم سفيان ابثناياها يدوس
معجزاتك امزهّره مثل الشموس...بالدياجي المدلهم اظلامها
ما تجي لينه ابمعجزه ابكربله...ليل شدّتنه ابنيرهه انجله
احسين هذا ابنك يوالدنه اوهله...خذم فوگ الگاع كل اجسامها
صاحت اولوت ابحسره وانحبت...اوحشّمت حيدر ابوهه اوأيّست
صفگت ايديها اوناظرها التفت...على العباس الفحل ضرغامها
نادته بدموع عالوجنه اتهمي...لا ابلفظ السان لاچن بالومي
ودّعتنه اونایم اعله العلگمي...اوطاب لعيونك يعزنه امنامها
چي تخلّي اعداك فوگ الراحله...اتريد ترچبني يسيف الزلزله
ماهگوتي اتعوفنه ابشر كربله...بين اجانب كافره اوظلاّمها
اوحوّلت لحسين هالنوب النظر...اونادته ابوَنّه الصخر منها انفطر
هاي عدوانك بني حرب اوصخر...بينه يردون المسير الشامها
اوحاشه يالمعلوم تقبل شيمتك...اتعيفنه اويه الغرب واحنه انفارجك
ارواحنه يحسين كلها ابجثّتك...لاچن اعله النوگ رسم اعظامها
