ساقي الماي...فت احشاي...يختي على الشاطي انطبر
عزمي راح...بس من طاح...شايل البيرق بالنهر

ساعة القشرى على السبط من شافه...امطبر ومخه سايل على اكتافه
فوقه وقع وامدامعه وكافه
ومثل النار...قلبه صار...يتوقد ويلهب جمر

وصاح افجعتني من طحت يا مذخور...واصبح عدونا يا عضيدي مسرور
وقرة اعيونه ودمع عيني منثور
حامي احماي...هذا الواي...بعدك تنكس وانكسر

خلني بشيلك للخيم عن لرمال...سكنه ترجي جيتك يا سردال
قله يخويه روحتي هذا محال
الله اوياك...روحي افداك...خلني طريح على النهر

آيس وخلي جثته مطروحه...واحنى يودعه وشاف راحت روحه
ورد للخيم وامدامعه مسفوحه
ایدير العين...ما له امعين...لفراقه محني الظهر
وطلعت تقله زينب المحزونه...شايل البيرق يا كفيلي وينه
قلها انطبر خیك فلا ترحينه
بالمسناة...يختي فات...بعده استعدي لليسر

قلبي انفطر يمخدره من شوفه...يمه الرايه امزقه أو ملفوفه
وامقطعين من الزنود اكفوفه
راعي الزود...يمه الجود...والعلم في جنبه انكسر

راح الاخو وابقى شملنا فله...وصارت يزينب شوکتي مفتله
بشري عقب عينه ابكسيره وذله
صاحت طاح...حملي اوراح...عزي عقبكم والخدر