في رثاء العباس
فلت يزينب شوکتي ومني العزم راح...شيال بيرقنا ابجنب المشرعه طاح
يمخدره راح العضيد وشمتت اعداي...يم الشریعه انذبح ظامي ولا شرب ماي
واعمود صيواني وقع وانتكس الواي...امخضب يخية على الثرى بدموم لجراح
شفته يمحزونه على المسناة مطبور...عینه انصابت بالسهم وادمومه اتفور
ومخه على اكتافه وقع والراس مطبور...واموزعينه يامصونه ابطعن لرماح
صاحت وكانون الحزن يوقد لهيبه...ان كان يبن امي وقع كبش الكتيبه
ضعنا يخويه وراح عزن نلتجي به...والشمل من بعده تشتت والحمل طاح
قلها يزينب عن قضى الله ماحد ایحود...يختی شملكم راح للعدوان فرهود
والترتجونه انفضخ راسه ابضربة اعمود...وابقيت حاير واصفق ابراح على راح
اكفوفه يزينب قطعوها من ازنوده...ونكسوا الرايه ومزقوا بالنبل جوده
وعاف الشرب بالعلقمي ساعة اوروده...ينظر الماي ابحسرته وبالقلب طفاح
وطلعت اسكينه من الخيم تخمش للخدود...اتنادي يبويه وين عمي صاحب الزود
بالماي واعدني وأشوف اخلف الموعود...حن اوجرى دمعه على الخدين سفاح
وقلها يسكنه الماي لا تترقبينه...حال القضا يمخدره بينك وبينه
ساقي العطاشا انقطعت اشماله ويمينه...ما ايفيد يعزيزه البكا راح الذي راح
