بطلت وناته...بطلت وناته
ابنك يليلي ما يفك العين...بطلت وناته

زينب تنادي ومن عظم لمصاب...تلطم الخدين
اسم الله على طولك يالولد يالشاب...عن فجعة البين
امسجی عسی ابعيد البلا ابلتراب...وامغمض العين
يشبيه جدي...زیدت وجدي
استخلف الله في الولد يحسين...بطلت وناته

عينك يلمدلل افتحها وشوف...ويش حالة امك
ثكلا وحزينه والشعر مكشوف...تنتحب يمك
اتخضب يبويه راسها ولكفوف...من فيض دمك
يليلى شوفيه...ما ظل نفس بيه
صاحت اروحن عقب عينه وين...بطلت وناته

هيا ينسوان ابعجل وياي...قومن ننوحه
وبدموعنا ولو ما حصلنا ماي...نغسل اجروحه
والله شعب قلبي وفت احشاي...بنزاع روحه
ونادتها ليلى...ما بيه حيله
شوفي ادمومه تجري الصوبين...بطلت وناته

واطلعت عماته من الصيوان...في اصياح ونياح
وشافن امخضب شمعة الشبان...بدموم لجراح
وحسین یبکی والدمع غدران...والقلب طفاح
يجذب الونه...وضلعه تحنی
وشاف لمدلل ما يفك العين...بطلت وناته

وليلى قلبها من الحزن بالنار...يوقد لهيبه
اتنادي يطير السعد مني طار...من وين اجيبه
يبني ابوك ابكربلا محتار...واني غریبه
دفنوني اوياه...ما ريد فرقاه
خابت اظنوني من الولد يحسين...بطلت وناته

قومي يليلى لكبر انشيله...عن حر لرمال
بطل الونه وما بقت حيله...وما ظل لي حال
بعدك يبويه ضيعت ليلى...يازين لقبال
متفتت احشاي...لفراق ولياي
عمره يوسفه ما بلغ عشرين...بطلت وناته

قلها الشهيد وهل دمع عينه...والقلب مبري
ابنك يليلى لا ترجينه...وللضيم صبري
شوفي عزيزي بطل اونینه...وادمومه تجري
يا وسفه وحسرات...مات الولد مات
ابنك يليلي ما يفك العين...بطلت وناته