عن لسان حال زينب مع العباس :
يا قمر عدنان ابذممكم جينا...يا قمر عدنان
وصالك أبويه ابكربلا تحمينا...يا قمر عدنان
يحجاب صوني وسور عزي وملفاي...يبن الاطايب
شوف العطش يا مهجتي فت احشاي...والقلب ذايب
وأطفالكم تلعی يخويه على الماي...من كل جانب
وهاي العدا حاطت يخويه اعلینا...يا قمر عدنان
شمس الشریعه حسين من حوله انجوم...حفت اشباله
وانته قمر هاشم يخويه ومخزوم...تزهر اقباله
دنهض ترى هي من العطش خويه اليوم...هلكت اعياله
وهاي الطفل غارت يخويه اعيونه...يا قمر عدنان
شال اللوا والجود فوق اجتوفه...حامي الوديعه
وحول عسى تسلم يربي اكفوفه...ابوسط الشریعه
وحسين اينظره وعبرته مذروفه...وبیده رضيعه
وزينب تنادي ايعودك الله اعلينا...يا قمر عدنان
طب الشريعة والقلب بالحسرات...منه ايتلوى
ويقول اشرب قبل اخويه هيهات...ما هي مروه
وهذي اعياله في عويل ولوعات...زادوني بلوى
كلمن تصیح الغوث يا حامينا...يا قمر عدنان
جوده ملاه ومهجته موقوده...وصوب الخيم راح
والدرب بجنود العدا مسدوده...بسيوف وارماح
وانقطعت اكفوفه وتمزق جوده...وبالمشرعه طاح
وصوب الخيم راح بسيوف وارماح...وبالمشرعه طاح
واباب لمخيم تنادي اسکينه...يا قمر عدنان
وصوب الشریعه حسين شابح بالعين...يرقب مجيه
وشاف ابعضيده حايطه من الصوبين...عسكر اميه
وعباس يندب یا عضيدي يحسين...يبن الشفيه
راسي انفضخ بعمود يا والينا...يا قمر عدنان
ويا ساعد الله حسين يوم جاله...وادموعه تجري
ونادى حملنا طاح يا شياله...وانكسر ظهري
ودارت علينا الخيل والخياله...يا سيف نصري
واتشمتت خويه الاعادي بينا...يا قمر عدنان
