يا بحر الكرم والجود...راح وضمته للحود
من بعدك ينور العين...قلبي بالحزن ممرود

يا خويه اوبدر سعدي...اتركتني للهضم وحدي ابسمك قطعوا کبدي
يخوية وجرح سهم البين قلبي وبالحزن ممرود

صرت يكعبة الوفاد...من بعدك بليا اسناد...دمعي بالوجن بداد
لجلك يا عديل الروح...قلبي بالحزن ممرود

مدري السبط ويش حاله...من للمغتسل شاله...عليه انفطر دلاله
على اعضيده شبك ليدين...قلبه بالحزن ممرود

تخوصر فوقه ابلوعه...يقبله وتهمي ادموعه...وعليه اتحنت اضلوعه
ولفراق الاخو شطرين...قلبه بالحزن ممرود

ولفت زينب المحزونة...تنادي يالتغسلونه...صبوا الماء على هونه
ابراضه قلبه يحسين...قلبي بالحزن ممرود

قلها وصفق راح ابراح...ما يفيد البكا ولنياح...ودعي الحسن يختي راح
بفراقه فجعني البين...قلبي بالحزن ممرود

يويلي وغدت زعزاعه...عليه ابساعه أوداعه...وزينب لفت مرتاعه
اتنادي وتهل دمع العين...قلبي بالحزن ممرود

وهوت ويلي على نعشه...تنوح وتصرخ ابدهشه...دنیاتي غدت وحشه
بعدك يا عميد الدين...قلبي بالحزن ممرود