في رفع جنازة الحسن بن علي عليه السلام
يا كرّار...بیك اشصار...ما تنهض ابثار الحسن
لُو ما ادریت...شبلك ميت...من حُولَه اعياله تحِنّ
مات الحسن يا مرتضی من سمّه
ليتك يبوالحسنین حاضر يَـمّه
أو عاينت أهل بيته امامه لَـمّه
هذا اينوح...ذا مجروح...قلبه أو كلّهم في حزن
ليتك تشوف احسین لـمّن اشاله
من وسطة المنزل على شيّاله
طلعت ورا نعشه جميع اعیاله
يِنباچون...وينادون...يا ليت قبلك نندَفَن
راحوا القبرِ المصطفی ایزورونه
طلعت المرأة أويا العده ايطردونه
اینادون عند المصطفى اتدفنونه
هذا امحال...یا مِفضال...عند النبي ما يندفَن
عثمان في أقصى المزابل يدفن
أو عند النّبي دَفن الحسن ما يمكن
هیهات عند المصطفى ما يدفَن
لُو اليوم...سفك ادموم...وحروب لُوَل ترجَعَن
لـمّن سمع عباس جرّد سيفه
أو عزم قمر هاشم بیاخذ حیفه
ومن العدا عزم يطَيِّب كيفه
صاح اليوم...يا مظلوم...خلني اشوف أهل الظغن
وأقبل لَخوه احسین أو ظلّ يتزَفَّر
أو شَمَّر إلى اردانه أولسيفه مشَهّر
نادى السبط ومدامعه تتحدَّر
یا عبّاس...كَشف الراس...ما هو ابأيام الحزن
