اليوم الحسن لمصيبته او سمه...اشحال ابو اليمه
ایعاين الچبده او ينتحب یمه...اشحال ابو اليمه
* * *
اشحال گلب حسین لمن عاين الچبدة عضيده
بالطشت ممروده کلها وشاف اخيه العود بيده
يبو امحمد صاح چنها علتك صعبه اوشديده
سولفلي يحزام الظهر...یا هو العلى سمك جسر
جاوبه ودلاله انكسر...شنهو يحسين التريده
ثارك يگله ارد آخذه منه...الحسن جر ونه
وأقسم عليه ابجاه ظلع امه...اشحال ابو اليمه
* * *
عليك اقسم يبو اسکینه ابراس ابوي وضلع امي
مني لو گربت منيتي وگوضت من هذا سمي
بالك او اياك تطلب یا عضيدي ابثار دمي
خليني اموت ابعلتي...ومظلوم اروح الحفرتي
با الحشر انشر دعوتي...وشچي للمعبود همي
بیش ابن ابو سفیان يطلبني حتى ایسمني
ونمرد دلالي ونزف دمه...اشحال ابو اليمه
* * *
لو گضت يحسين روحي وخلص یا مظلوم چبدي
انته غسلني يخويه وشیل نعشي القبر جدي
انته طوفني أبضريحه حتى اجدد بيه عهدي
مروان ليكم لو طلع...وم الجمل ويا تبع
والنعشي يعضيدي منع...بالبقيع احفرلي لحدي