يمجهز حسین قلي من حفر قبره...يمجهز حسين
وياهو الذي جاب كافور الولي وسدره...يمجهز حسين

قلي يسجاد اخويه حسين بأي حاله...شلته لقبره
جسمه اموزع وكيف اجتمعت أوصاله...مهجة الزهرا
ومن فصل اكفان اخي وجاب شياله...ومن جاب سدره
والله اشعبتني وخبرني عن أحواله...يمجهز حسين

قلها يعمه بليا كفن واریته...والحزن واري
جسمه اموزع ولا اتمكنت لميته...والدم جاري
لكن بلا راس يعمه الجسد لفيته...ابقطعة بواري
واما الغسل فيض ماي العين صبيته...وغسلت انا حسين

صاحت يعقلي دفنت حسین وانصاره...كلهم بلطفوف
قلها ادفنتهم وقلبي تلتهب ناره...والدمع مذروف
وعباس بالمشرعه شفته بلا اموارا...ومقطوع لكفوف
ودمه يعمه على الكتفين تتجاری...والراس شطرين

وكل أم ولد عن ابنها قامت اتنشده...والحزن وقاد
اتقله أخبرني عن ابني اندفن لو بعده...يا زين لعباد
وليلى تقله ادفنت لكبر علي ابلحده...اخبرني يسجد
قوموا ادفنوني ولا أريد العمر بعده...يمجهز حسين

قلها يليلى عزيزك لو نظرتينه...حاله شجاني
من شفت جسمه على الغبرا اموزعينه...زلزل أركاني
ویم رجل لحسين واريته يمحزونه...وزادت احزاني
صاحت يبويه ادفنوني من بعد عينه...يا امجهز حسين

واقبلت رملة تصب ادموع هتانه...وتصرخ بلمصاب
يبني اولیدي انرفع من فوق تربانه...لو ظل بلتراب
قلها ابحفيره ادفنت جسام واخوانه...ومني القلب ذاب
واثياب عرسه يوسفه صارت أكفانه...هي فجعة البين

واقبلت تنعى الرباب وتجذب الحسره...والدمع هماع
تمشي بليا اشعور وتتعثر على الغبرا...ومنها القلب لاع
اتقله رضیعي دفنته يبني ابلحده...لو ظل بالقاع
قلها دفنته وسهم ناشب ابنحره...ويا الوالي حسين