وياكم اخذوني...وياكم اخذوني
برض المدينه لاتخلوني...وياكم اخذوني

ضل ينادی والدمع غدران...بالخد سكاب
ريضو الظعينه يا بني عدنان...قلبي ترى ذاب
صعبه عليه فرقة الشبان...بهلي ولحباب
قلبي تلوى...يهل المروه
برض المدينه لاتخلوني...وياكم اخذوني

خلف الظعينه اينوح وينادي...والقلب مفتوت
مالي صبر يحسين يسنادي...انظر هالبيوت
ولفراقكم مني القلب صادي...وخوفي أنا أموت
مقدر يفرسان...انظر هالاوطان
منکم خليه يا ضيا اعيوني...وياكم اخذوني

يمشي ويتلوى من الحسرات...خلف الظعينه
ومن المصيبه وكثرة اللوعات...يجذب ونينه
ومن عظم وجده يسكب العبرات...من فيض عينه
يصرخ بالمصاب...ريضوا يالحباب
بالوطن وحدي لاتخلوني...وياكم اخذوني

يحسين يامن للملا والدين...عز وذخيره
شالسبب تتركني بنور العين...وحدي ابحيره
تدرون من يمشي الظعن يحسين...ابقى ابحيره
ابقى ابها الديار...وحدي يمغوار
ومن هالسفر مدري متى اتجوني...وياكم اخذوني

انا يخويه من قبل معروف...ليث الحرايب
يوم الجمل يا ما هرجت اصفوف...ويا الكتایب
زلزلتها ولا دخل قلبي خوف...يشبول غالب
ويش السبب يحسين...يا قرة العين
دون اخوتي وحدي اتخلوني...وياكم اخذوني

قله ابوالسجاد وادموعه ابخده جريه
في كربلا مالك قبر محفور...يبن الشفيه
واحنا يخويه امفصله النا اقبور...في الغاضريه
قله يسردال...خويه اشها لفوال
ذوبت قلبي يا ضوا اعيوني...وياكم اخذوني