الامام الرضا عليه السلام
شلكم يا بني العباس دین اعلى النبي او آله...واحرب عالرضه المامون والسم مرد دلاله
سابج آل امیه انگول الهم على الهادي دين...يوم البي فتح مکه وبغزوة بدر و حنین
منه غدوا يستافون واخذوا واحد ابسبعین
لمن ولو ذريته...او ذبحوا كل اهل بيته...الهادي ايشوفهم ريته
اوعينه اتشوف ابو السجاد ويعاين الچتاله
ونتم ما سمعنه ادیون عند المصطفه الكم...ليش ابدم ابو ابراهيم خضبتم صوارمكم
نسيتوا الطيب والمعروف لمن يسروا جدكم
من جابوا امچتفينه...يون او يسمع اونینه...ابدن ما غفت عينه
حته امن اليسر فكه اوبیده گطع أحباله
منكم هاي مجزاته هدمتو على أهل بيته الدور...او حوربتوا اعلى ذريته أو بنيتوا اعليهم اگصور
گام اعلى الرضه المأمون بالباطل يسن ويجور
جابه الديرة اخريسان...عود اعلى الخلگ سلطان...لاچن يجذب الخوان
گام ايموه اعلى الناس ذاك اليوم بفعاله
تم «ابطوس» ابو امحمد مده ابصحبة المامون...لا يأمر ولا ينها عنه ابسيرة المسجون
گام ایفکر ابسمه اوابها الناس ما يدرون
مأمون امن ابن عمه...ما يگصي ابهدر دمه...لمن بالعنب سمه
والسم مونع ابچبده او لونه اتغير اوحاله
لمن بالچتل هیس وبجبدته المسمومه...او شاف المرض بي مونع والمگدر گرب يومه
کتب مکتوب بيمينه لعند اخته «المعصومه»
يگلها ابساع اگصديني...أخافن ما تشوفيني...يمعصومه او تفگديني
واخوچ ابديرة الغربة المنية اتيتم اطفاله
لمن وصل مكتوبه اوعرفت مرض واليها...گامت عالوجه تلطم يویلي وانغشه اعليها
ظلت تون ليل انهار والطارش يسح بيها
لمن وصلت «الایران»...« وبقم» شافت النسوان...تلطم والنزل حزنان
صاحت هالنزل شوفيه يهاي الجاريه اشماله
گصدت للنزل تعدي او گامت تنشد النسوان...عليمن هالاعلام السود تخفج والنزل حزنان
صاحن مات ابومحمد غريب الدار بخریسان
صاحت والدمع سچاب...اخته موچبه اعلى الباب...تعنه النزل شیب اوشاب
كلها تلطم الفرگاه اومنها العين هماله
لمن شافت الوادم تتصارخ لفت ليها...كلها تجذب الونه او تنعه ابفگد واليها
طاحت عالوجه عالگاع لاچن انغمه اعليها
لفوا ليها يشوفوها...وبفگده يعزوها...من گاموا يحرچوها
لنها امفارجه الدنيه على اخيها المامش امثاله
ماتت حين ما سمعت ابموت «الرضا» المعصومه...ما شافت ترضه الخيل والدم غير ارسومه
الله ایساعدچ عالضيم يا زينب المظلومه
شافت وليها اعلى الثره...والشمر یگطع منحره...او جثته ابدمها امعفره
المعصومه لمن سمعت أخوها انفگد بخریسان...شهگت وهي ابمحملها اوهوت مبته على التربان
ما شافت اخيول اعداه سوّت جثته میدان
اوزینب اخوها شافته...والشمر یگطع رگبته...والخيل رضت جثته
المعصومه اخوها انشال فوگ الروس واتشیع...او جسمه الطاهر اتغسل ابدال الماي بالمدمع
وزينب شافت المظلوم جسمه اعلى الثره امگطع
اوراحت يسيره اويه العده...اویاها اليتامه امگیده...او راسه اعلى عسال انهده
او عگب احسين محملها خوله او زجر یبراله
