في رثاء الرضا عليه السلام
ویل قلبي اعلی ابو محمد...ذابت من السم چبدته
يقصر الساني يحيدر شبلك امنذکر امصابه
وعگب ابو موسه بن جعفر ما فعل بيه الگرابه
سیره امنرض المدینه بیسر ولبغداد جابه
وعن وطن جده تبعد * اوقام يظهر له المودته * ولجل چتله أنطاه بته
بگه ویا بالوطن حته الطوس راح اوياه تعنه
اوراد ينطيه الخلافه ما قبل وعتذر منه
قاله اليوم الخلافه اصبحت الكم ماهي انه
والله يا مامون يشهد * هلملك ماريد امرته * وانه مقصودك عرفته
اتريدني اقبل ابملكك والخلافه اجدم عليها
اوتسمع الوادم ابفعلي اوتكفر ابعترت نبيها
گله چا اگبل ابمهدي گله هاي اگبلت بيها
حيث هذا الخبر مسند * من ابوي اوجدي اخذته * انه اموت او تبگه انته
بگه المامون ایتفکر ابیا سبب ليسعی ابچتله
حته جاب العنب سمه اوشاله بیده اوجابه لهله
گله هذا العنب ابدن ما رأیت ابطوس مثله
اولا اصدچ مثله يوجد * وعتنيت اوليك جبته * حيث ما مش منه شفته
عاینه اوشاله ابيمينه اوسالت ادموعه اعلخده
گله عف عني تراني هلعنب ما گلبي وده
گله لابد منه تاكل اكل منه اولزم چبده
ارقام دلاله ایتمرد * اوصفگ یسراه ابيمينه * اوسالت اعللخد عبرته
حينما هیس ابسمه بعث خط لرض المدينه
بالعجل يختي تعالي موتي اريدج تحضرينه
لفت لاچن نص دربها شافت الوادم حزينه
غدت من عدها أتنشد * وحين ما عرفوها اخته * خیها اخبروها بچتلته
طاحت اعللگاع ميته ابهل الخبر حین اخبروها
گبل ما توصل الداره اوعينها اتعاين لخوها
ساعد الله گلب زینب من وقع ویلي بن ابوها
شافته اعلثره امدد * ولعده قطعو رگبته * او تلعب الخيل اعلى جثته
