جينا بلا والي...جينا بلا والي
كلها صفت يمحمد ارجالي...وجينا بلا والي

نادي عليها وهمل بالخدين...عبره نثيره
يمخدره وين الكفيل حسين...ويا العشيره
شالسبب يعزيزة علي جيتين...لينا ابكسيره
صاحت يا مغوار...لا تذكر اشصار
وانظر ابعينك ضيعت احوالي...جينا بلا والي

قلها أخبريني ويش جرى من احوال...في الغاضريه
قالت لا تنشدني لقيت اهوال...يبن الشفيه
حتى يخويه ابكربلا لطفال...ذاقوا المنيه
رحت ابحموله...وجيتك ذليله
ما حد بقى من الاهل يبرالي...وجينا بلا والي

إن كان تسئلني اشجری من امصاب...يبن الاطايب
مقدر افصل لك يليث الغاب...كلها مصایب
عاين احوالي انتحل جسمي او ذاب...والشعر شايب
خويه القلب ذاب...لفراق لحباب
حتى عدوي انفجع لحوالي...وجينا بلا والي

محمد يخويه عاين الواني...ثكلا وكئيبه
محمد يخويه هدت ارکاني...هاي المصيبه
محمد يخويه حسین خلاني...حرمه وغريبه
في ولية اعداي...ضیعني احماي
راح الكفيل الكان يبرالي...وجينا بلا والي

لا تنشد اشحالي ابعينك شوف...جيتك ابيا حال
حلت علينا داهيه ابلطفوف...نزلت ابزلزال
كل العشيره اتجرعوا بلحتوف...واضحوا ابلرمال
كلهم مطاعين...صفاهم البين
وامصابهم خويه دهش بالي...وجينا بلا والي

قلها اسمعت وادري الدهر معتاد...يفعلها ويزيد
ايقولون دخلوكم على ابن ازیاد...والفاجر ایزید
قالت دخلنا وبينا السجاد...في ساقه القيد
وصرنا يسردال...فرجه للنذال
وبعد المصيبه المرمرت حالي...جينا بلا والي