في مصاب الاربعين :
خويه حسین...قبره وين...يا نازلين ابكربله
وياهو الشال جسم حسين...وابوسط قبره نزله
يا نازلين ابكربله خبروني...وين اندفن خيي ونور اعیوني
بالله على قبره بالعجل دلوني
خویه حسين...نور العين...يا هو ابضريحه نزله
ومن الظعن خرت وهي مذعوره...من لاح قبر حسين ليها ابنوره
وفوقه هوت وادموعها منثورة
وصاحت قوم...يا مظلوم...جت لك سبایا کربله
وظلت تنوح وتجذب الحسرتها...واتصیح فوق القبر من لوعتها
دقعد لزينب وانظر اشحالتها
ذقت امرار...بين اشرار...بعدك يخويه وكل بلا
من غاب عن عيني خيالك يحسين...ما سكن روعي ولا نشف دمع العين
وذوبتني یا خوي لوعات البين
راسي شاب...من لمصاب...والحزن جسمي نحله
الله يضيم اللي لقيته ما صار...دخلوني الكوفه ابيسر فوق اكوار
وراسك يباريني ابذروة خطار
بقشر حال...بين انذال...والنوق صعبه امهزله
من فارقتكم يخوتي بين اوغاد...امسي ابلد يحسين واصبح ببلاد
ويزيد ذلني ابمجلسه وابن ازياد
سوري طاح...عزي راح...غابت ابدوري ابكربلا
