الامام العسكري عليه السلام
يالغايب الثارك گوم نامت عين فجاره
عودك سمته العدوان يمته اتطالب ابثاره
يا من بالنصر موعود يالغایب جزاك اللوم
أمن گلب فجارك اوگلبك بالحزن مالوم
یاهو من هلك ما راح يو مچتول یو مسموم
ناسي (الهادي) ومصابه * واللي (هوه) ابمحرابه * اودمه خضب اثیابه
وانسيت (الحسن) سمه اوضلع (أمك) اوبسماره
تدري من ظعن جدك اشسوَّت امته اخلافه
سلت سيفها اعلى اهله اورادت تگطع اسلافه
كلها هاجت اعلى (احسين) لمن سعوا بتلافه
او (سجاده) بگه وجعان * جسمه امن المرض نجلان * يسير ابولية العدوان
خذوا وياه عماته ابستر الروس محتاره
سابج آل امیه انگول الهم على الهادي اديون
عالاسلام اجبرهم وهم لوثانهم يردون
هاجوا كلهم اعلى اهله اومنه غدوا يستافون
ذبحوا كل اهل بيته * اوداسو جثث ذريته * حاضر کربلا ريته
يشوف ابنه العزیز احسين دمه اشلون يتجاره
ما ادري ابنَّي العباس شلهم دین عالمختار
ما خلوا لهل بیته عالوسعه ثنيه اودار
نسوا (غزوة بدر) لمن جدهم يالمغيب صار
يسير ابولية الاسلام * ويه اليعبدون اصنام * لجله (المصطفه) ما نام
چه لن يسمع اونینه یون ابين اليساره
لفوا للمصطفه الأصحاب گالوله يهادینه
عينك شسبب متنام والباري نصر دینه
يگلهم عمي (العباس) یکسر خاطري اونينه
اسمع من بعد ونه * اوگلبي ينصدع منه *گیده میلوا عنه
راحوا حلوا اچتافه اوجابوا للنبي انصاره
لَّمن عاين الانصار جابوا من بعد عمه
گام المصطفه ابوجها اوجابه اوگعده یمه
هذا الذنب من عنده وابنه (العودك) ایسمه
والسم صار چتاله *مرد چبده اودلاله * وانته اتعاين الحاله
تشوفه ایلوج ويجلب چف يمناه ويساره
الله ایساعدك هليوم بالغايب على امصابه
لمن مردوا چبده اوظل ابگلبك اصوابه
لليمته تظل غایب اوسيفك يظل بگرابه
ما تنهض لعد ثارك * اوتصليهم ابتارك * واللي تبعت آثارك
عليهم ضيگ الوسعه اوشن اعليهم الغاره
يغایب من گضه عودك انته اليوم غسلته
وانته اللي عليه صليت وانته احضرت ودفنته
لاچن (جدك) المظلوم ظلت عالأرض چثته
ما واحد حفر گبره * اوواره مهجة الزهره * ثلث تیام عالغبره
ظل يبن الحسن مطروح بس الوحش زواره
