صبري على لمصاب...صبري على لمصاب
لا اتهيجيني بالعتب يم حسين...صبري على لمصاب

ترکی يمهضومة العتب قلبي لاع...وانهد رکني
اتعرفين طوعت ابيميني لسباع...والحرب فني
ما خاف قلبي من المنية ولا ارتاع...لكن منعني
حكم الوصية وسلمت يم حسين ...صبري على لمصاب

لو ما قضى الله والمقدر محتوم...باللي جرى أو صار
شفتين أخلي هالوطية ابلدموم...تشبه التيار
لكن أنا ابقيد الوصية محكوم...يا بنت لطهار
لاتهيجي حزني ببضعه يس...صبري على لمصاب

صاحت ما تدري بالعدو يا مناع...بيه اشسوی
سقطني المحسن وكسر لضلاع...بالباب قوة
وبمتوني سوطه من طحت فوق القاع...ظل ايتلوی
قلها وتحذر مدمعه بالخدين...صبري على لمصاب

كفى الملامة يا بتولة ولعتاب...قلبي تفطر
صبري على الضيم وعلى كل امصاب...هذا المقدر
اسمع يا زهرا صيحتك خلف الباب...ضلعي تكسر
لكن لحكم الله اصبرت يم حسين...صبري على لمصاب

اتعرفين يا بضعة الهادي موصوف...يوم الحرايب
ما قط يازهرا دخل قلبي الخوف...وسط الكتایب
لكن انا أبقيد الوصية مكتوف...يم الأطايب
سلمت لمر اللي جرى من التكوين...صبري على لمصاب

نادت يحيدر شوف ضلعي مکسور...وانظر اعیوني
من لطمة الفاجر ذهب منها النور...يا نور عیني
وعاين يبو الحملة جنيني معفور...وانظر امتوني
متورمه قلها ينور الكونين...صبري على لمصاب