ارض المدينة اتزلزلت والكل محتار...من شال ابو الحسنين بيده سيف لفقار

ثار ابزعل والسيف بيده مظهر الدين...ونادى يعرفوني انا قاتل العمرين
وظلت تموج ارض المدينة اشمال ويمين...وارض البقیع اقبل وقلبه ملتهب نار

ونادی تعرفوني انا خواض لهوال...وابحد سیفي یا رد ایاموت لبطال
ونبش القبور اليوم هذي طلبة امحال...ردوا ابكسيرة لو اسل سيفي البتار

شفتون فعلي في احد وابيوم لحزاب...وابدر خليت الفوارس فوق لتراب
ما انسيت انا اسقوط الجنين وعصرة الباب...واتكسر الضلعين من بضعة المختار

واحيات قبر المصطفى خير البرية...الحمل وازلزلها عليكم هالوطية
وقبل المسا لدعي منازلكم خلية...والله لخلي الدم يجري مثل لنهار

واتراجعوا من عاينوا حيدر الصنديد...مثل الأسد بالسيف جاهم يرعد أرعید
وشافوا المنية ابجيته لاحت من ابعيد...ولو سل سيفه ما رجع واحد للديار

الله يحيدر هالحمية وين راحت...يوم البتولة ام الحسن بالباب طاحت
وانته اسمعتها يا علي حنت وصاحت...حملي سقط وانكسرت اضلوعي يكرار

تنخاك ياحيدر وتندب باسم ابوها...يا والدي اضلوعي الاعادي كسروها
وذيك الوديعة عقب عينك مارعوها...وماحد من اصحابك علينا صار نغار