ام البنين ابكل صباح وكل مسيه...تنصب على العباس واخوانه عزيه

كل يوم تطلع للبقیع وتنصب اظلال...واهل المدينة اتحف بيها احریم وارجال
وتصرخ ابحسره والدمع بالخد همال...يا ضيم حالي راحت اولادي من ايديه

اولاد عندي اربعة جنهم شياهين...وبس فارقوني صاح بيهم صايح البين
بالله عليكم لا تسموني ام للبنين...راحت اولادي وشمتت العدوان بیه

ثكلا وحزينه وشيبت راسي المصايب...ومن الحزن جسمي انتحل والراس شايب
وارتقب العباس ويا حسين غايب...الا الخبر جاني انفنوا كلهم سويه

يا ليت عيني عاينتهم يوم لطفوف...يوم الذي دارت على العباس لصفوف
اسمعت قالوا حارب الاعدا بلا كفوف...وخلا فوارسهم على الغبرا رميه

ايقولون خلا کربلا ترجف ابزلزال...والارض فاضت وارتوت بدموم لبطال
نعمين ابو فاضل يبن خواض لهوال...مذكور فعلك يوم حرب الغاضرية

يقولون يبني في الشريعة يوم طبيت...قلبك امفتت من لهيب العطش تفتيت
وجودك مليته يا ضيا عيني ولا ارويت...ومن دون ابو سکنه شربت كاس المنيه

ما خيبت ظني يبن حيدر الكرار...خليت وادي كربلا يشتعل بالنار
وقطعوا يمينك والزمت سيفك بليسار...ومن الجثث والروس ضيقت الوطيه

لكن انا اتمنيت يا حامي الظعينة...سبعين مثلك في الحريبه يذبحونه
ويعود ابو السجاد سالم للمدينة...واتهون يبني مصيبتي والتجي ابفيه