إجـيـتـك لـلـدفـن لـن شـفـت يـمـك...حـضـر جـدي عـلـي و الـزهره أمك
يـحـسـيـن أصـرخ بـهـمـومـي شبلك آنه السجاد...للمدفن لمن جيتك شفتك و الهم انعاد
شـاهـدت أمـك و الـوالـد جـن وصلوا عالميعاد...ويايه الزهره و حيدر حضروا دفن الأجساد
قـبـل مـا بـالـلـحـد يـتـواره جـسـمـك...حـضـر جـدي عـلي و الزهره أمك
ابـشـهـقـه و نـوح اتقابلنه يم جسمك يا مظلوم...نجري المدمع لمصابك و اجروحك تجري ادموم
مـا أنـظـر لـن الـزهـره يـمك يا بويه اتحوم...و تصرخ يوليدي اضلوعك تشبه ضلعي المهشوم
إسـمـعـت أم الـحـسـن تـلـهـج بـإسـمـك...حـضـر جـدي عـلي و الزهره أمك
و حيدر محنيه اضلوعه يم جسمك ظل اينوح...ايصد ابعينه اعله اجروحك ايشوف اجروح اعله اجروح
ظـل يـغـسـل دم كـل طـعنه ابدمع العين المسفوح...و يمزج دم طبرة راسه ابدم نحرك يا مذبوح
نـزف جـرحـه و مـزج دمـه إويـه دمـك...حـضـر جـدي عـلـي و الـزهـره أمك
مـمـزوج ابـدم اوريـدك دم طـبـرة حـامـي الـجار...يتلهف ظل ابكترك ابهم و نوح و أعبار
قـام الـكـرار و طـاحـت يـمـك بـنـت الـمختار...صاحت يا ريت ابدالك أتوذر بالأشفار
يـبـويـه امـن الـنـحـر صـارت تـشـمـك...حـضـر جـدي عـلـي و الزهره أمك
يـم جـسـمـك تبجي الزهره و تشكي لك هضم البين...لن حيدر طايح يمك ايحاجيك ابدمع العين
لـيـش أحجي و متجاوبني شنهو العاقك يحسين...و جسمك ليش اعله الغبره ابلا راس و راسك وين
أبـوك الـمـرتـضـه يـحـجـي و يـكـلـمـك...حـضـر جـدي عـلي و الزهره أمك
بـويـه اتـقـابـلـت اويـاهـم مـن عالقاع احملناك...و احفرنه الجسمك حفره و بقبرك نزلناك
ردنـه انـغـسـلـك يـا بـويـه شـفـنـه امـغسل بدماك...غسلناك ابدمعتنه بالمدفن خليناك
خـدك جـدي الـوصـي الـصـدره و يـضـمـك...حـضـر جـدي علي و الزهره أمك
نـزلـنـه ابـقـبـرك جـسـمـك و بالدمع غسلناه...يا بويه و من اوريدك هذا الصوت اسمعناه
اتـقـول اعـلـيـه ابـعـبدالله ابنفس المدفن وياه...خل يتوسد بضلوعي و امزج دمي اويه ادماه |
