جـفـت يـنـابـيع الجود فاض الدمع جاريه إنـواسي النبي و حامي الجار و الراضيه  المرضيه نـور  الـحسن رابع نور يزهي إبسماء  العصمه اشلون انحجب و الأكوان أمست كئيبه و  ظلمه لـمـلـم نجومك يا ليل و بالغيمه بدرك  ضمه خـل  تـطـفه شمس المصباح لا تبزغ  ابفجريه لا  تـكـتـحل عين الكون ريت الرمد  غطاها غـور نـمـيـر الإحسان غالب جرت عيناها إجـنـازة  سـلـيل المختار دار اللحد  واراها نـوره إخـتـفـه و بالدلال ونت حزن  مخفيه اتـسـجر  سعير الياويل غيث السحاب  اينادي لا  نـسمه هبت يا ريت ولا يجري ماي  ابوادي هـالـليله  دفنوا  جثمان سبط الرسول  الهادي ظـعـن  الـديانه  ابها اليوم يبجي الفقد حاديه ويـن  الـيـشـد  الركبان القبر النبي و  يتعنه ايـعزي الرسول اعله امصاب سيد شباب  الجنه يـم قـبـره يـوقف بالنوح يجذب عليه  الونه و  ايـقـلـه سبطك مسموم يمك حضر  ناعيه هـب يا عصف ريح البين و أحمل تعازي  الحيدر قـلـه الـحسن شبلك مات بالسم دليله اتفطر يـالـتـحضر  الشده اليوم اتمنيتك اهنا  تحضر إجـنـازة  أبـو محمد هاي إسهام و نبل مرميه لـو أدري ويـن و يا صوب قبر الوديعه الزهره جان اصنعت مركب نوح يمشي اعله موج العبره لـمـن أصل أصرخ صوت اتحرك النزيل  ابقبره جـبـدة  حـبـيب المختار إبسم الغدر  مفريه آه  ولا  أدري و الآه تـنـفـعـني لو ما تنفع مـجـمـر لـهـيب الآهات وسط الجبد يتلفع قـبـل الحسن جبدي ريت ابسم الحتف  يتبضع و شـمـا حمل من آلالام انصبت يا ريت  اعليه