زینب تندب الإخوان...تجذب حسره وتنادي
من انظر خليّه الدور طعن ارماح بفادي

وين حسين شمس الكون هالتزهر على العالم
والعباس والأكبر أو وين ابن الحسن جاسم
وين ابدور هاي الدور من أهلي بني هاشم
ما ظل من يسليني...ما ظنيت ينسوني
هل الدمع بعيوني...متنغص علي زادي
كلما أذكر الشبان...طعن ارماح بفادي

یا دور الأهل آنا انحب أو سعديني
ما أدري أنا أسليك لو أنتي تسليني
يا خواني أنا أعزیك لو انتي تعزيني
ظلمه من بعد لبدور...ظليتي بعد یا دور
وأنا قلبي المفطور...دمعي اعلى الوجن بادي
من أذكر قمر عدنان طعن ارماح بفادي

عباس البطل وياي طول الدرب يبراني
جار الدهر واويلاه وبید اعداي خلاني
لو اصد وانظر الهالدار قفرا تهيّج احزاني
واندب يا زمان الفات...ما يرجع بعد هيهات
ما تنفعني الآهات...والون والقلب صادي
وشبيدي على الإخوان...طعن ارماح بفادي

هیهات الدهر بسعود يرجع وانظر الهالدار
بيها حسين واخوانه أو منها تسطع الأنوار
شبيدي الدهر غدار غال الشمس والأقمار
وظلت مظلمة داري...من شمسي وأقماري
وليلي سهر وانهاري...انحب والبس اسوادي
ولو شبت لظى الأشجان طعن ارماح بفادي

اشلون اتسلى هذا امحال وانا فاقده سلواي
كيف انساهم اخواني اونار مصابهم بحشاي
نغصه كل حياتي اتصير مآتم حزن كل دنیاي
طول العمر ماريده...وسلوه القلب شيفيده
مآتم لنصب ابعيده...واندب دوم لسنادي
والله فجعة الشبان...طعن ارماح بفادي

انسي اشلون والرفاد لو جت هیجت حزني
تنشد عن أخويه حسین واتريد الخبر مني
لو قلت اللي مذبوح واخوانه اوضيعني
قلبي تلتهب ناره...فوق الوحشه من داره
وابقي ابهضم محتاره...وشفرة حزن تجرحني
ابقلبي وشعلة الأحزان...طعن ارماح بفادي

ما ظل لي ولا العباس يرفع وحشتي عني
ويدفع ضيمي والأحزان وابها الحال عوّدني
آه يا لعلگمي ويلاه تاخذ سلوتي مني
تحظى ابسعد وابنوماس...تاخذ مني العباس
وابقى امهبطه للراس...شاني النوح بعيادي
واعظم فرحة العدوان...طعن ارماح بفادي