يا أهل يثرب وين ذيچ الدوله...ناداكم الناعي بشر قوموا له

يحصون دين المصطفى المناعه...ما لفت منکم کربلا فزاعه
وحسين مفرد يالها من ساعه...يا أهل يثرب وين ذيج الدوله

يهل المدينة بشر جاکم ينعی...يشيوخ طيبه ما سمعتوا الفجعه
سبط النبي واخوانه كلهم صرعی...يا أهل يثرب وين ذیچ الدوله

يوم الشهاده فاتكم واطراده...ولا حضرتوا يوم ذبح الساده
سبط الرسول وعزوته واولاده...يا أهل يثرب وين ذیچ الدوله

زینب نختكم من نخت لعمامها...بالنار من حرقوا الأعادي اخيامها
اتنادیکم اوساعه تلم أيتامها...يا أهل يثرب وين ذیچ الدوله

وساقوا الأعادي اضعونها للكوفه...ومرت على خوها الشهيد اتشوفه
محزوز راسه امقطعين اچفوفه...يا أهل يثرب وين ذیچ الدوله

ومن کوفة ابن ازیادهم ودوها...للشام فوق امهزله ودخلوها
مجلس یزید اوصحبته شافوها...يا أهل يثرب وين ذیچ الدوله

وجتكم حزينه تنتحب وتنادي...لا تقبليني ابفجعتي يبلادي
من طلعتي لليوم ذاب افادي...يا أهل يثرب وين ذیچ الدوله