تـتـرك  الجثه الشريفه .... لو تعوف أهل السقيفه .... ابروحتك تصبح خليفه يــا    عــلــي    شــوف   ....   إلــمــن    اتــعــوف الـلـيله  شارت  عالنبي اجفوف المنيه .... و انت يا حيدر أخو الهادي ووصيه إقـبـالـك اجـنـازة أبـو الـزهره رميه .... و محد اتعنه الدفن سيد  البريه بـالـسـقـيـفـه انجمعت أعيان الرعيه .... و انت شنهو اتقرر ابهاي  الرزيه الـدنـيـه  كلها  بإنتظارك.... تنتظر منك قرارك.... يا علي اشصار إختيارك نـنـشـد      ابـخـوف      ....      إلــمــن       اتــعــوف يـا  عـلـي الباري امنحك تاج الإماره .... ابصارمك دين النبي اتحدد  مساره لـلـسـقـيفه  لو  رحت عندك صداره .... تاخذ ازمام الخلافه ابكل جداره و  لـو  عـفـتهم غيرك اينول الوزاره .... و هو يصبح حاكم ابأمرم و  قراره و انت لو شخصك تأخر .... غيرك اعلينه ايتصدر....و كل شخص منهم يحيدر راســم         اطـيـوف....         إلــمــن         اتــعــوف تـدوي ظـلت يا علي الصرخه الحزينه .... ابكل رحاب الدنيه مو بس  بالمدينه انـت  ذاتـك طـاهـره و حـره و امـينه .... ظلت الآخر نفس ويه  نبينه انـت نـفـس الـمـصـطفه و ساعد يمينه.... ما تعوف اجنازة الهادي رهينه تـترك  إجنازة  رسولك .... من أجل منصب ينولك....هذا لا مو من  أصولك و      انــت      مـعــروف....      إلــمــن      اتــعــوف مـن سـمـات الـمصطفه الهادي سماتك .... تختلف عن غيرك ابجوهر صفاتك لـحظه  ما عفت الرسول ابكل حياتك .... اتعوفه وكت الدفن ما تقبلها  ذاتك فـقـده سـجـر بـيـك جـمرة نايباتك .... و ابمماته صرت تتمنه  مماتك يـنـغـصب  حقك وسافه .... و الدهر بيك اعترافه....انت أكبر من  خلافه و      هـذا      مـكــشـوف....     إلــمــن      اتــعــوف يـا  عـلي البرج الحزن عينك تراقب .... و ابفقد سيد الرسل شفت  العجايب انـت  تـسـتـقـبل عصر ريح النوايب .... و غيرك استقبل تهاني  بالمناصب ألـف وسـفه و حيف يا ليث الحرايب .... ايصير قلبك هدف لسهام  المصايب شـيـعـت  نـعش النبوه .... و ادفنت كنز الاخوه....يا علي و قلبك  تلوه ابـحـزنـه       مـحـفـوف....      إلــمــن       اتــعــوف شـيـعـت طاها ابقلب ينفح شهامه .... من عقب مدفن نعش جسم  الكرامه ارجـعـت  تنحب يا علي الدار الإمامه .... و منزلك خيم يبو احسين  ابظلامه الـهـادي راح و عـتـرتـه أمـسوا يتامه .... عله امصابه العالم اتغير  نظامه تصرخ  إلسان الفجيعه .... راح أبو الزهره الوديعه....يـا علي و جفن  الشريعه دمـعـه          مـذروف....          إلــمــن         اتــعــوف هـذا  قـلـبـك  يـا علي اتسجر لهيبه .... و ما قدر جفنك يطفيها ابنحيبه هـذي  أول  فـاجـعـه و أول مصيبه .... يبو احسين القلبك الطاهر  تصيبه الـزهره  أمست  عقب والدها غريبه .... و أمست الدنيه ابحزن وحشه و كئيبه الـلـيـلـه يا ليث المعارك .... الحزنك اعالم يشارك....و نزلت الليله الملائك الـدارك         اضـيـوف....         إلــمــن         اتــعــوف