سبط المصطفی الأكبر
فاطم تندب المسموم...سبط المصطفى الاكبر
سم القطع لب احشاك...يبني ابمهجتي اكثر
سيف اعداي ظل مسلول يبني من عهد جدك
سم جدك وكل الصار بيه والخبر عندك
شق راس الوصي الكرار يبني وقطع الجبدك
جدد بي المصاب اليوم...يبني موتتك مسموم
نوح اعضيدك المظلوم...والاولاد تتحسر
وصوت حسين من ينعاك...يبني ابمهجتي اكثر
كل ونه تونها اتذوب يبني ابونتك روحي
واشجى من حمام الدوح بالجنه انسمع نوحي
بمصابك يروح الروح بيه هاجت اجروحي
ضلعي ولطمة اعيوني...وبالاسياط ضربوني
ابغمد السيف وكزوني...والمسمار وما أثر
والسم اللي هد اقواك...يبني ابمهجتي اكثر
من شفتك لويت الجيد شرواك التوی جيدي
غضيت الطرف واحشاي كضيته ابجف ايدي
جبدي وجبدك الاثنين طاحن آه يوليدي
وزينب بالطشت شافت...جبدك حنت وناحت
واويلاه من صاحت...لاختك يبني تتحسر
حسرتها او ونينك ذاك...يبني ابمهجتي اكثر
لو حن وبجاك حسين يبني ايذوب افادي
أبجي وبالجنان الحور تسعدني ابتعدادي
نصبوا للعزا والنوح بالجنه على اولادي
يبني اشما تجر لونين...يمك ينتحب لحسین
واولادك على الصوبين...هذا وذاك يتعفر
وزينب تنتحب تنعاك...يبني ابمهجتي اكثر
تطلبني ابطلب لودین جعده ورادته مني
سمت مهجة افادي وسم ابني الحسن سمني
كلما اتألم أو أن آه سمه آه ألمني
ومثله اعالج ابروحي...واكثر منه اجروحي
اقولن ايه يا روحي...قلبي ابونك اتفطر
سمك هالذي سماك...يبني ابمهجتي اکثر
دهري هالكثر واعداي بعد العز ذلوني
حقي ما رعوه واليوم باولادي يآذوني
قلبي ذوب وابجي دوم لتملين يعيوني
يشجيني السبط ونه...حوله اولاده في حنه
وزينب تندبه ومنه...فاض الروح لمطهر
والفتت يروحي احشاك...يبني ابمهجتي اكثر
