في مسير السبي الى الكوفة
يا زجر خلوني...یا زجر خلوني
باودع أهلي ولا تمنعوني...یا زجر خلوني
ريض اسویعه یا زجر ممشاي...قلبي ترى ذاب
خلني بودع عزوتي أولیاي...واجميع لحباب
اشلون انا امشي والكفيل احماي...مرمي بلتراب
ريضوا الظعينه...انجهز ولينا
بغسل اجروحه ابدمعة اعیوني...يا زجر خلوني
ما اتشوف عينك عزوتي ابلرمال...كلهم ضحايا
وانا ضعیفه وحايره باطفال...بيدك سبايا
واشلون مدري مشيتي أبها لحال...فوق المطايا
حرمه ودلولي...يحدي به خولي
ويا كفيلي وقرة اعيوني...يا زجر خلوني
قلها العدو ما ايفيدك اتحنين...راح الذي راح
وما ايفيدك الصيحات لو صحتين...بس امن لنياح
هذا كفيلك راسه اتشوفين...فوق الرمح لاح
صاحت يحادي...ذايب افادي
كلما انخی وما ترحموني...یا زجر خلوني
وصدت ابحسره والدمع سكاب...يم الشريعة
وصاحت يبو فاضل يليث الغاب...تتركني ضيعه
ماني الذي من زمن داحي الباب...عندك وديعه
من أرض المدينة...تبري الظعينه
تسمعني انخى ولا يسمعوني...يا زجر خلوني
عباس ماني اللي اطلعت بحماك...من أرض طيبه
واشلون امشي ابيسر بين اعداك...حرمه وغريبه
يا ليتني ذقت الذبح وياك...قبل المصيبه
وأضيم حالي...راحت ارجالي
باودع أهلي ولا تمنعوني...يا زجر خلوني
