صـفـيـنـه  .............. يـابـالحسن  صفينه بـالآخـره ودنـيا حساب.... ما إلنه غيرك  طلاب يــابــالــحــســن  صــفــيـنـه يـاعـلـي نـشئتك حكمه وإحنه بالحكمه  إهتدينه واشـرعـت  نـهـج الإمامه وإحنه عالمنهج  مشينه انـفـرشـت  حـجور الولاية وبيها عالفطره  ربينه مـن سـاعة الگالوا بلا....... مواليك يا عقد  الولى والـلـي  يـضـدك ضد إله ..... والأملنه محققينه تـدريـنـه ......... مـا نـخـتـلـف  تدرينه مـنـك  إلك مو أجناب .... بالآخره ودنيا حساب يــابــالــحــســن  صــفــيـنـه نـفـذت بـيـنـا الـعـقيده أمر مرسوم  الرساله ونـعـتـرف مـحـكم كتاب الباري قانون العداله ونـور  هـاديـنـه هـدانـه وما ركنـّه  للظلاله ولا نمشي بدروب الجهل ..... ثابت جدمنه من الأزل حـي  عـلـى خير العمل ..... يا علي بيك إتصاله صـافـيـنـه  .......  مـا يـنـخـبط  صافينه صـفـانه  رب  الوهاب .... بالآخره ودنيا  حساب يــابــالــحــســن  صــفــيـنـه وإحـنـه  مـن  فاضل الطينه الزجية طينتكم خلقنه الـسـابـقـون  إنتوا  برحمته وإحنه بالرحمه  التحقنه ومـن  مـواهـيـبـه  وهـبنه إلكم وبيكم  عتقنه إنـتوا الفرع وإنتواالأصل ..... وإحنه بولاكم  نتصل يـاعـلـي  وبيكم نبتهل .... وعاليحاججنه  سبقنه يـحچـيـنـه ...... مـنـطـقـكـم يحچـينه لا  نـخـتشي ولا نرتاب.... بالآخره ودنيا  حساب يــابــالــحــســن  صــفــيـنـه سـاعـة الـتـصـفـيه الوادم للحساب يقدموهم وتـذكـر الآيـة يـنـادي هـاتف القدرة  قفوهم وعـن مـراسـيـم الـولاية للخلگ من  يسألوهم إحـنـه  بولاكم  نعترف .... بسيماء حبكم ننعرف ولـعـن  ولاكـم تنحرف .. بالسلاسل  يسلكوهم يـنـجـيـنـه ....... يـالـحـبـك  يـنجينه مـن الـسـعـير اللهاب ... بالآخره ودنيا حساب يــابــالــحــســن  صــفــيـنـه ثـلاث  مـعـانـي جوهريه الباري للهادي  ذخرها الـكـوثـر  وفاطمه  وروحه بسر لواء الحمد  سرها يـاعـلـي  وإنـت الـحظيت بفاطمة ومنك ثمرها وإنـت الذي بيوم الكلف .. ترفع لوى الحمد  ويرف وعـلـى  الـتودك تنعطف .... وإنت تتسلم  أمرها تـسـجـيـنـه  ..... مـن كـوثـرك  تسجينه بچـاس الـموده الجذاب .... بالآخره ودنيا حساب يــابــالــحــســن  صــفــيـنـه إلـك  يـابالحسن  وگفه عالصراط بنص محمد  (ص) رايـة الإسـلام بـيـدك وإلـهـا بـالميعاد مشهد تـقـرب  الـقـربـه الـبـاري والبعد عنه  يتبعد وصـك الـعـبور تسلمه ..... للخدم عترة  فاطمه وإنـشـاءالله  بـهـالغانمه.....إسم كل مسلم  تقيد طـبـيـنـه ...... بـدار الـخـلـد  طـبـينه لا  مـانـع ولا حـجاب... بالآخره ودنيا  حساب يــابــالــحــســن  صــفــيـنـه يـا عـلـي مـا مـثـل مـجدك مجد بالعالم  ترفع إخـتـارك  الـبـاري الحبيبه خيره من الكون  أجمع وصـار  مـيـلادك  ابيته وصار إلك بالبيت مصرع سيف إبن ملجم من طبر .... راسك صبغ شيبك  حمر الله  مـن سـهـم الگدر... گلـوبـنه بيه  إنگطع مـض  بـيـنـه  ...... سـهـم الگدر مض  بينه والـصـوبك بيه ننصاب .... بالآخره ودنيا  حساب يــابــالــحــســن  صــفــيـنـه