في ردات مواليد أهل البيت علية مولد رسول الله صلى الله عليه وآله وسلم :
۱۳۹۶/۳/۱۳ ه
مولد النور بهجة وسرور...مولد رسول الله مولد النور
یا ربيع الفرح طيب كل سنه ابشهرك نعيد
یا غصون الروض ميسي طرب في ليلة المولد
بلبل الأزهار هيه بأطيب الألحان غرد
ابهنی وفرحه...وقلبي فرحه
صدري شرحه...وصوتك المرنان ردد
غني بطور...فوق لزهور
مولد رسول الله مولد النور
مولد النور الإلهي مولد الحق والرساله
مولد الارشاد مولد للقداسه للجلاله
للثقافة هذا مولد للهدايه للعداله
او للبشاره...لو للبشاره
او للنذاره...للبشر معنی کماله
للعلي اظهور...يدحر الجور
مولد رسول الله مولد النور
مصدر الأنوار هاللي تشع بافلاك العلیه
إلى الزهرة نور للمريخ من نوره الثريه
الكل نجم للشمس مصدر للبدر لو شرق ضيه
هذا نعمه...هذا رحمه
نور اسمه...يشفع الكل البريه
منه اتنور...شمس وبدور
مولد رسول الله مولد النور
نور بيه انهدم طاق اللي انبنى للملك كسرى
نور بيه ابليس ما يسرق سمع في تالي عمره
نور بيه اضحى سطيح ايصيح باكي ایجر حسره
راح علمه...ونفذ فهمه
وخلص حكمه...وانتهى امن الدنيا امره
ومات مقهور...وظل مذكور
مولد رسول الله مولد النور
نور بيه غاضت بحيره اللي طمت في أرض ساوی
نور بيه فيض الوادي قالوا اللي في سماوه
نور في ذكره على افادي او في سمعي حلاوه
ابمدحه اطرب...اوبيه أرغب
شهد اشرب...بيه حلاوه وبیه طلاوه
ابحبه مجبور...وانا معذور
مولد رسول الله مولد النور
نور بيه أشرق العالم وازهرت بيه الحنادس
نور بيه انطفت نار التنعبد في ارض فارس
نور بيه کل صنم ساقط كل ملك للراس ناکس
صبح يرعد...عيشه انكد
وجهه مربد...ابقدرة الجبار عابس
حق او منصور...کل لعصور
مولد رسول الله مولد النور
نور بیه مکه وطيبه اتنورت حتى اهلها
واليمامه وجو تهامه حتى بحريني شملها
بالشرق بالغرب ضوی وعم على الأفلاك كلها
بالروايه...وبالدرایه
هذا آيه...بالخلق مامش مثلها
سعيه مشکور...کل لدهور
مولد رسول الله مولد النور
نور للايجاد عله ورحمه للآخر وبادي
نور حبه فرض واجب والذي ايعادیه انعادي
نور حبيته حبي اشهد يربي إلى اولادي
ورث مني...اوذخر عني
هذا ظني...كلنا حرب اعلى الاعادي
وعندي اسرور...كل سنه ایدور
مولد رسول الله مولد النور
نور بيه نسأل يربي اتحل مشاكلنا الكثيره
نور بيه نرجو الشفاعه دنیا اخری ماکو غیره
نور بیع رفع الظلامه وكشف لسعار الخطيره
الغلا اتعدى...عنا رده
صار شده...وعندك الشده يسيره
ابحق هالنور...واله لبدور
مولد رسول الله مولد النور
