عيد عند المحب ميلاد الحسن
أهلا ابهالنور...اوسهلا أهلا ابهالنور
سر الجمهور...او أهلا سر الجمهور
النور نور الحسن أعني نوره ويا الفجر طالع
کمل نور البدر باسمه ونوره مثل البدر لامع
وسبق نور الشمس نوره ونوره شبه الشمس ساطع
نوره من نور القدره...وبيه الاكوان امزهره
سر المختار والزهرا...سر الجمهور
نوره من نور الامامه والامامه امن النبوه
والنبوه نور من نور الإله اعلى الخلق بالكون ضوى
وسطع هذا النور من آدم ابونا وامنا حوى
شع نوره ابغرة آدم...وابغرة خبر العالم
ومن شع ابغرة فاطم...سر الجمهور
اتنور جنة العلی ابنوره من تشعشع من جبينه
وخازن الجنات زیّن جنته اوولده او عینه
وبالعرش نوره ایتشعشع عن اشماله او عن يمينه
وشعت لكوان ابنوره...وبيه الاملاك مسروره
وابهالليله المشهوره...سر الجمهور
بالسما وبالأرض کل نور اليشع من نور ربي
الشمس ويا البدر وانجومه او نور اللي ابقلبي
حتی نور الكهربا اللي شع علی ابلادي ودربي
ونور الله شع ببلاده...من النبي او خیر اولاده
والحسن ريع افاده...سر الجمهور
یا ازهور الروض فوحي بالعطر بالعود والند
يا اطيور الروض غني واطربي ابذكر ابو محمد
الحسن رمز الكرامه وسلوة المختار احمد
وشبل الكرار الاكبر...واعضيد حسين الازهر
وروح الزهرا اولا منكر...سر الجمهور
الليله في حجرة الزهرا فرحه ويهني الهادي
ايهني البضعه ابولدها ایقول یا سلوة افادي
بضعة مني انتي يفاطم بعد واولادج اولادي
وضم المولود الصدره...واستبشر قلب الزهرا
والحسن دوم ابذكره...سر الجمهور
كل سنه ابهالليله فرحه للموالي ايهني حيدر
عيد عند المحب میلاد الحسن والقلب يستر
وتزهي الدنيا بجمال السبط والأكوان تزهر
وابكل بلدان الشیعه...حفله وذكراه اتذيعه
اتسر الزهرا الودیعه...سر الجمهور
قلبي ابحبه تكهرب يملي الدنيا سروره
واعتقد فوزي ونجاحي امودته وسعدي ابنوره
وبالحشر ارجو الشفاعه والخلد ولده وحوره
ابحبه وأطيب حياتي...ابدنیا او اخری نجاتي
سبط المختار أغاتي...سر الجمهور
ابفرحة الهادي يربي كل كدر عنا تزيله
ابفرحة الكرار حيدر صاحب النفس الجليله
ابفرحة الزهرا ابولدها كل سنه ابهذي الليله
نقضي شهرنا اصيامه...ابأمن او نعمه او سلامه
ابجاه المولود واکرامه...سر الجمهور
