طالت الغيبة يا بقية أل لطهار...عجل ترى العدوان ليكم فاتوا الثار

شيعتك يبن المصطفی طال ارتجاها...يترقبون الثار منك يبن طه
کم دوب تحمل يا حما الله وذراها...طال انتظارك يا نسل حيدر الكرار

ارد اخبرك والقلب مني بالحزن ذاب...وهذا الخير معلوم عندك يبن لطياب
يوم أوجب الظالم مع اجنوده على الباب...ويصيح تطلع يا علي لو نشعل النار

قامت الزهرا اتعاتبه وتجري دمعها...وبالباب لاذت والرجس بس ما سمعها
واوجب عليه وكسر ياويلي ضلعها...ورد اولطمها ابن الخنا واتقحم الدار

وصاحت اشذنبي تهجموا بيتی علیه...ماني التى وصاكم المختار بيه
مسرع دفنتونه وخالفتوا الوصية...وصاحت على فضة ودمع العين نثار

قومي يفضة بالعجل ليه ادرکيني...والى عند مدرك ابراضه سندیني
هذا العدو بالباب سقطني جنیني...وبوسط صدري نشب الفاجر المسمار

وضعت المحسن والقلب بالحزن موقود...وصدت ولا شافت علي بالدار موجود
ظلت تنادي والدمع يجري بلخدود...يا قوم خلوا عن علي حيدر الكرار

خلوا علي والا احلفت ایمین شرعي...ارفع اقناعی وانشر الكفين وادعي
على الذي اتجرى عليه وكسر ضلعي...تدرون بيه بضعة الهادي المختار